Yeremiya 2:34 - Mawu a Mulluku

³⁴ Ddoowara ddanyu ddoofiira ni nikhame na athu oohoowa oohichimwa naari mwaahaaphwanyille yinttakaka enyumba. “Komave naari ddiri ddiidda,

Yeremiya 2:34 ပူးပေါင်းရင်းမြစ်များ

2 Mamwene 21:16

Navettho Manase aawiipha athu oohichimwa anchichi ophiyera nikhame na athwaayo naheetellella embali ddittheddene dda misewu dda mu Yerusalemu. Nndda ddahoonjerera va machimo ayo aachimwihalleeyena Ayuda vooweerihani ddoonanara vamiitthoni va Apwiya.

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

2 Mamwene 24:4

navettho ekaamba ya nikhame na athu oohichimwa ayo awiiphalleeye. Olliye aaddalliha Yerusalemu ni nikhame na athu oohichimwa nave Apwiya kheyaamukhululukelle.

Eksodo 22:2

“Mullupaawiiya aphwanyeya akothollaka enyumba mahiiyu nave iiphiwa, muthu amwiiphallooyo ahillakiwe ekaamba ya nikhame na mullupaawiiyooyo.

Ezekiele 24:7

Nikhame nno akhumihalleeye m'muzindanimmo nookhallallavove ekaamba yawi atathillelle vanllukuni oohikhalla muthaani wi nthupi nihivuhellelle.

Ezekiele 20:31

Mwaawaaka ni emphaso ddanyu ni waavelleella aniinyu wi ekhalle mukutho wooshellelliha, munniiriipiha voorumeyellani mafanwaanyu manchichi ophiyera ollello. Nyu Aisraele, kinaawaakhullelleni mwawiidde wi muveke ezeru. Mi Apwiya Mulluku kinimallupella wi ngaakhullella wi muveke wa miyaano.

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Yeremiya 7:31

Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yesaya 59:7

Enathamakella weera ddoonanara, khenaselliha owiipha athu oohilakwa. Maganizwiiwa mattheene enakhalla va ddoonanara, orive weko enayiiwa ennatthollosa ni woononga.

Yesaya 57:5

Munallapella mafano va miteekho dda muthundu, vatthi va orive muteekho wa enthambi ddoorapa. Munnaavelleella aniinyu monga mukutho m'mataponi, m'mittharini dda m'mallukuni.

Yesaya 59:3

Vawi mattaanyu yooripihiwa ni nikhame na machimo manchichi. Eyano ddanyu ddoollota ddawoottha ni ddoonanara.

Yeremiya 2:33

Khaavo anuukhwaranyeni va owaasha ookondiwa eelleto sika ttuuwaahuddiha atthiyana oonanara ettilla ddanyu.

Yeremiya 7:6

Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Maliro 4:14

Yaaneeteeta m'misewuni wonanko oohoona, ddoowara ddiwa ddiri nikhameve, mwawi khaavo anaawore oddittannya.

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Ezekiele 22:25

Oohoollellaaye tti wonanko mikango ddoothuruma voopharani enama. Aawiipha athu, ahaakha eyuuma ni ddeko ddoowallamella mutengo ni waatthattusa atthiyana anchichi anaamukhwelle m'muzindanimmo.

Eksodo 22:1

“Muthu iiya eng'ombe apaalle enkhosa, ayiipha apaalle oyikulliha, allivelle eng'ombe dditthanu va eng'ombe emodda apaalle enkhosa ddisese va enkhosa emodda.

Ezekiele 23:45

Koma nllapo nimodda athu oolungama eneerowiipa mullatu wooraruwa ni woowiipha akhwiiwa. Ddawoona, tti ooraruwa nave m'mattani mwiwa tti mwa nikhame.”