Yeremiya 2:31 - Mawu a Mulluku

³¹ Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yeremiya 2:31 ပူးပေါင်းရင်းမြစ်များ

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

1 Akorinto 4:8

Ethiyo mookhallana khalle erive ello munapaalleenyu? Ethiyo vano muri eeyuuma? Ethiyo mookhalla mamwene vano naari hiyaano nihinakhallevo? Ddaawerokhalla phaama mwaakhanlleke mamwene wi hiyaanottho nikhalle mamwene ni nyuwaano.

Mika 6:9

Ngiiwani, mawu a Apwiya eniithana muzinda! Woova nnddina na Apwiya sika ezeru. Enuulleellani attheene ookhalla m'muzindanimmu.

Amosi 1:1

Alla tti mawu a Amosi, mmodda a abusa a enkhosa a o Tekowa, ayo yuupullulliwe oollota dda Israele mu enthawi ya Uziya mwene a o Yuda ni mu enthawi ya Yerobowamu mwene a o Israele, mwaana a Yowashi miyakha miilli ehineereye echivomerezi.

Hoseya 13:6

Kahaachiha evona koma evonille yahiitukhulla nave yaakitiwalla.

Yesaya 45:19

Ngaallotille mwawiipitthiha vanipuroni noovittheya mu ellapo yeepiphi. Ngaaddilleelle edduullu dda Yakobo wi ddikaashaasheke o ellapo yoohikhalliwa. Mi Apwiya kinallota ddawoona, kinallalleya ddoolungama.”

Miyambo 30:9

Kinoova wi kavona Kineerewuukhootani voollotani wi, “Apwiya ttaani?” Apaalle kahoowa kineerewiiya ni oripiha nnddina na Mullukwaaka.

Masalimo 12:4

Vallethi athu yaalla enallota wi, “Nineeropambana ekaamba ya nllumi nahu, eyano nookhallana, vano anaanigonjihe ttaani?”

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

2 Epilli 31:10

Azariya, muullupalli a allupa mukutho oyo aari a nibanja na Zadoki, aamwaakhulla wi, “Ovenyera mvo yaambilliiwa owaana ddoovelleella ddiwa o enyumba ya Apwiya nookhalla ni ddoocha ddinchichi nave ddoohallattho ddinchichi. Vawi Apwiya yohaadalisa athwaayo sika ekaambiiwa nihanlleehu ni ddinchichi ddiidda.”

Deuteronomo 31:20

Vawi kaavollochiha mu ellapo ya mukaka ni enwi eyo kallupenlleemi wa makhollwiiwa nave yavona mmo enaapaallelliiwa ni oneneva, eneerorukunuwella o milluku ddimodda ni waamba oddillapella. Eneerokikhoota ni otathilla echipanganwaaka.

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Yeremiya 2:25

We Israele, ohaakhullelle wi nnyallo nawo nillalle, ommilloni wawo wumme ni nthona voothwarani milluku ddimodda. Koma we onallota wi, ‘Iyaayi, ngeerella mwaamodda, kinakonda milluku ddeelleto, ngiwora ohiya oddithwara.’ ”

Deuteronomo 32:18

Yaatiwalla nlluku niwa oyo aaphatusalle, Mulluku oyo aavahille okumi.”

1 Mamwene 11:22

Koma Farao aamukoha wi, “Enuurama wuno tti tini eyo enaweeriha wi ohokollweelle o ellapo yoowaninyu?” Nave ahaakhulla wi, “Kheyiivo koma kaakhullelleni wi kirowe.”

Yobu 21:14

Enamulleella Mulluku wi, ‘Onivenyerevo! Khannapaalla odduwella ettilla ddawo.

Yeremiya 5:5

Vano kineerooya wa oolamulella, kineerollota ni alliwa. Vawi alliwa sika enaadduwelle ettilla ya Apwiya, eniiwesesa ddoopaalla Mullukwiiwa. Koma kahoona wi yahinttaka nigoli* niwa, yaaphadda onyolwiiwa.

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’