Yeremiya 2:30 - Mawu a Mulluku

³⁰ Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Yeremiya 2:30 ပူးပေါင်းရင်းမြစ်များ

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

1 Atesalonika 2:15

Ayudaayo sika yawiiphalle Apwiya Yesu ni anamallotella nave yaanihoosattho hiyaano. Khenamuhakallalliha Mulluku navettho enniitana ni athu attheene.

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yesaya 1:5

Ethiyo munaavirellelle ollakiwa ni ohihiya owukila ophiyera niini? Arive muthu muru onimamvoreya nave murimaaye woofooka.

Mateyu 23:29

“Nyu, awoottha, ahuddihi a malamulo ni Afarisi, mookhalla ni otulli! Vawi munnamaka mahame a anamallotella nave munnareeriha mahame a athu aweera dda echilungamo.

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

Yawuupullulla 16:9

Athu yahaavulliwa ni oviha wawoopihanngu nave yahaamba ollotella epewe nnddina na Mulluku oyo arina olamulello va millillinndda. Koma kheyaarukunuwalle murima wi emutitimiheke Mulluku.

Zefaniya 3:2

Khaawiiwellelle mawu oochenjeza, khaawaapwathille oohumullulla. Khaawaaroromenlle Apwiya apaalle omwaatamella Mullukwaaye.

Ezekiele 24:13

Murawa yoolla tti minkhella dda oraruwa wawo, kahuuhuwa koma khawaaweellille. Vano khaweella ophiyera osha murima waka okwakhwanihiwe va weyaano.

Yeremiya 31:18

“Koomwiiwa Efuremu inllaka mweethakaraka wi, ‘Nyu moonillaka, ddawoona, noollakiwa wonanko musaanaang'ombe oohihuddihiwa. Munihokollose wi niwore ohokollowa vawi nyu tti Apwiya Mullukwaahu.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

2 Epilli 28:22

Va enthawi ya ddookatamiha ddaye, Ahazi aavirellella ohiroromelleya wa Apwiya.

2 Epilli 24:21

Koma yaamweerella echiwembu nave mwene aalamula wi avokhiwe malluku mu nthato na enyumba ya Apwiya.

1 Mamwene 19:14

Olliye aallota wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

Yesaya 59:3

Vawi mattaanyu yooripihiwa ni nikhame na machimo manchichi. Eyano ddanyu ddoollota ddawoottha ni ddoonanara.

Yeremiya 46:14

“Mullalleye o Iguputo, o Migidoli, o Memfisi ni o Tapanesi. Alleelleni athu a wenko wi, ‘Imellani vanipuroni vanyu nave mukhozeke, vawi ekhoto eneerowoononga ddittheddene muriinyuna.’

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Ezekiele 22:24

“We mwaana a muthu, omulleelle Yerusalemu wi olliye tti ellapo yooripihiwa navettho yoohirupiwa murimu ekaamba ya osha murima waka.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.