Yeremiya 2:26 - Mawu a Mulluku

²⁶ “Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Yeremiya 2:26 ပူးပေါင်းရင်းမြစ်များ

Yeremiya 32:32

Athu a o Israele ni Yuda, mamweniiwa, enduna ddiwa, allupa mukuthwiiwa, anamallotelliiwa ni attheene ookhalla o Yerusalemu ni o Yuda, yaakishiha murima ni mitteko ddiwa ddoonanara.

Ezara 9:7

Waambeella enthawi ya makhollwaahu ophiyera ollello nikhallelle ochimwa wunchichi. Vano ekaamba ya machimwaahwaayo, hiyaano, mamwene a ellapo ddimodda ni allupa mukuthwaahu noovelleelliwa m'mattani mwa mamwene a mwiillaponi wiiphiwa okhotoni, opharelliwa wuukaporoni, waakhiwa ddeko ni owullihiwa muru wonanko mmo ddikhallelliiwa ollello.

Aroma 6:21

Ethiyo mwaphunrevo tini? Ddeko ddoowulliha muru nnddo dduuhoollellani wuukhwaani. Omallihella wene wa ddeko ddennddo tti okhwa.

Yeremiya 48:27

Mowabu, onnuupuwella mmo wamunyaambuselleewe Israele nave mmo waavevullelleewe wonanko allupaawiiya?

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yesaya 1:29

Muneerowulliwa muru ni miteekho dda muthundu ni emata ddoopatuleya nnddo mwatthoollilleenyu wi mullapellekewo moohakallalla.

Ezekiele 16:54

Sika owulliwe muru nave ovevuwe ekaamba yawi waawooniha asinno wonanko oohichimwa.

Ezekiele 22:26

Allupa mukuthwaaye aatathilla malamulwaaka nave aaripiha ddeko ddaka ddoopatuleya. Khenahiyaniha variyari va ddeko ddoopatuleya ni ddeko shisha. Khenaahuddiha athwaaka ohiyana wa ddeko ddaweella ni ddooripihiwa. Khenapwatha mallapwaaka a Sabata. Sika attheenaayo aakiripiha.

Zekariya 5:4

Apwiya Amasiva Mattheene eni, ‘Tembelelo nenno kineeronirumiha mpa mwa mullupaawiiya ni mpa mwa muthu oollupella mwawoottha vooromollani nnddina naka. Nineerokhalla mpammo ophiyera yoonongeyille ettheene, matabwiiwa ni mallukwiiweene.’ ”

Masalimo 97:7

Attheene oollapella milluku ddawoottha, awiitikhulla ni mafano oohikhalla ni mutteko, ennawullihiwa muru. Nyu milluku ddittheddene, akokhorelleni Apwiya.

Yesaya 44:9

Attheene oopanga mafano tti oohikhalla ni mutteko, milluku nnddo enaddivahiiwa olemu tti ddoohikhalla ni mphuro. Amboni a milluku ddenndda tti oohoona ni oohidduwella ello, sika eneerowullihiwa muru.

Yesaya 44:11

Attheene oollapella nifanonno eneerowullihiwa muru vawi oopanga mafano tti athu shisha. Attheene oopanga mafano etthukumane o nthato namillatu eneerewoopopiheya ni owulliwa muru.

Yeremiya 4:9

Apwiya enallota wi, “Va nllapo nenno mwene ni enduna ddaye, attheene eneerotathilla murima. Allupa mukutho erurumuwa nave anamallotella eneerottikhina.”

Yeremiya 22:22

Ephevwaaka eneerewaatukhullavo abusaanyu attheene, akhwaawo eneerophariwa okaporo. Ddawoona, muneerovevulliwa ni onyaambusiwa ekaamba ya ddoonanara ddanyu ddittheddene.