Yeremiya 2:25 - Mawu a Mulluku

²⁵ We Israele, ohaakhullelle wi nnyallo nawo nillalle, ommilloni wawo wumme ni nthona voothwarani milluku ddimodda. Koma we onallota wi, ‘Iyaayi, ngeerella mwaamodda, kinakonda milluku ddeelleto, ngiwora ohiya oddithwara.’ ”

Yeremiya 2:25 ပူးပေါင်းရင်းမြစ်များ

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

Yeremiya 18:12

Koma alliwa eneerewaakhulla wi, ‘Ddennddo khaddinna mutteko. Nineereke ddoopaalla ddahu nave arive muthu anaathwareke ddoonanara dda murimaaye wawumma.’ ”

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Aroma 8:24

Naavullusiwehu naakhalla ni otiyerella. Vano noona eyo ninatiyerelleehu, kohiyottho ootiyerella. Vano ttaani mwa hiyaano anatiyera eyo anooneeye?

Maliro 4:4

Nllumi na awaamwa ninnuumellella ommilloni ekaamba ya nthona. Anamwani ang'onong'ono ennaveka yoocha koma khaavo anaavaha naari vang'ono.

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Yeremiya 13:22

Apaalle ttuuwiikoha wi kaambiiwa tini ddenndda dduumorenlliiwani. Ekaamba ya machimwaanyu awoopiha ddoowara ddanyu ddohaahulliwa nave moopharelliwa.

Yesaya 57:10

Munnatopa ni mutunda muneeteenyu koma khamunatathilla murima. Munnaphwanya masiva mamodda wawi khemwaafooka naari vang'ono.

Yesaya 2:6

Nyu Apwiya, mohaakhoota athwaanyu, edduullu dda Yakobo. Ellapo yooddalla ni athu amasenga a wookhuma nndduwa monga Afilisti nave athu ennathwara makhallello eelleto.

2 Epilli 28:22

Va enthawi ya ddookatamiha ddaye, Ahazi aavirellella ohiroromelleya wa Apwiya.

Deuteronomo 28:48

Sika vano muneerewaarumeyella adani ayo Apwiya enaarumihiiwa wi ellipane ni nyuwaano. Muneerovolliwa ettalla ni nthona nave muneerokhalla ni osiwa navettho ddeko ddittheddene ddineerewuuramani. Apwiya eneerewuuhoosani mweekuku ophiyera moonongeyille.

Luka 16:24

Sika aakhuwa wa Abrahamu wi, ‘Attiitthaaka, mukeerelle echifundo, m'murumihe Lazaro wi atthaveye etthoka ya eyaallaaye m'maaddini nave akiriiryihena ommilloni waka vawi kinimahoowa wunchichi m'munllonimmu!’

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Hoseya 2:3

Aaheera ddiiddo kineeromurulla wi akhalle wonanko mmo ayarelliweeye. Kineeromummiha wonanko echipululu, akhalle wonanko ellapo yoohikhalla ni maaddi, aneerokhwa ni nthona.

Yeremiya 44:17

Koma nineere ddittheddene nnddo nallupenlleehu. Nineeromoosella lubani mwene aamutthiyana ooddullu ni omuheraatthella mikutho ddaddoowirya wonanko neerelleehu ni makhollwaahu, mamwenaahu ni enduna ddahu m'mizindani dda o Yuda ni m'misewuni dda o Yerusalemu. Enthawi yeeyo naakhalla ni yoocha yinchichi nave naanavona voohikhalla ddookatamiha.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yeremiya 13:21

Ethiyo muneere tini ddakeraatthihiwa wi mulamulelliweke ni ayo mwaweesaanyu akhwiinyu? Ethiyo khamoona ddoovoreya wonanko dda mutthiyana vooyarani?

Yeremiya 22:20

“Nyu athu a o Yerusalemu, wellani o miyaango o Lebanoni, mwinlle mookhuwa wenko, mawaanyu yiiweye ophiya o Bashani. Mwinlle mookhuwa muri o Abarimu, kaambiiwa attheene mwaaroromellaanyu aagonjihiwa.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Ezekiele 20:32

Nyu munapaalla waattakiha athu a ellapo ddimodda ayo enallapella miteekho ni malluku. Koma ddennddo khaddiwa ddeereya naari vang'ono.”

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’

Malaki 3:14

Moollota wi, ‘Tti ddoohikhalla ni mutteko omurumeyella Mulluku. Ethiyo ttuuphuravo tini voothwarani malamulo a Apwiya Apwiya Amasiva Mattheene apaalle vawoonihani ethakaraka vamiitthoni viwa?

2 Epilli 28:23

Vawi aavelleella mikutho wa milluku dda o Damasiko nnddo ddamugonjihalle nave aallota wi, “Ekaamba yawi milluku dda mamwene a o Siriya ddahaakavihera, mi kineeroddivelleellella mikutho wi ddikikaviherettho.” Koma millukunnddo ddaamoononga ni athwaaye attheene a mu Israele.

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.