Yeremiya 2:23 - Mawu a Mulluku

²³ Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

Yeremiya 2:23 ပူးပေါင်းရင်းမြစ်များ

Yeremiya 7:31

Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

Miyambo 30:12

Vookhalla amodda enaddeesa aweella koma khenavenyihe ddoonanara ddiwa.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Luka 10:29

Voopaallani oddoonihella yeekha wi anneera echilungamo aamukoha Yesu wi, “Mukhwaakooyo ttaani?”

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Yeremiya 9:14

Koma yahumma murima ni othwara murimiiwa woonanara. Yaallapella mafano a Baala moollikana ni mmo makhollwiiwa yaahuddihelliiwa.

Yeremiya 3:2

Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Miyambo 30:20

Mmu sika mutthiyana ooraruwa aneerelleeye, acha annavutta owanoni allota wi, “Kheyiivo yoonanara keerilleemi.”

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Masalimo 50:21

Weyaano waheera ddeko ddenndda, miyaano kaamoona oweha, Waganiza wi kinnaphwanaphwana ni weyaano, koma vano kinnuuhumullulla ni owoonihella nnddo weerilleewe.

Masalimo 36:2

Anniilleka m'maganizoni mwaye, khanadduwella machimwaaye ni wiitanana.

Estere 8:16

Vano Ayuda yaari oohakallalla ni oottaphuwa nave athu yaanaavaha olemu.

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Yeremiya 16:10

“Vano waalleella athwaayo mawu yaalla, yakoha wi, ‘Kaambiiwa tini Apwiya ellotilliiwa wi otulli wawiddiidda onimorella hiyaano? Ethiyo nilakwille tini? Ethiyo naachimwenlle tini Apwiya Mullukwaahu?’

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”