Yeremiya 2:21 - Mawu a Mulluku

²¹ We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Yeremiya 2:21 ပူးပေါင်းရင်းမြစ်များ

Yesaya 5:4

Ethiyo ehanllettho tti tini kiheerenlleemi emataaka yampesa? Ethiyo kaambiiwa tti tini vootiyerellani wi yimme mpesa waphaama, yimmalliiwa mpesa ddoonanara?”

Eksodo 15:17

Munnaavollochiha nave munnaahiya vamwaangonaanyu, vanipuroni mvo nyu Apwiya mwapangilleenyu wi mukeraattheyevo, mu enyumbaanyu eyo mwayimakelleenyu.

Yohane 15:1

“Mi tti muteekho wa mpesa wawoona nave Attiitthaaka sika mwaneena a emata.

Masalimo 44:2

Nyuwaano mwahiikariha mitundu ddimodda dda athu, koma makhollwaahu mwahaakeraatthiha mu ellapwiiwa. Nyu mwaahoosa mitundu ddimodda dda athu, koma makhollwaahwaayo mwahaavaha murendelle.

Masalimo 80:8

Mwaakhumiha mpesaanyu Israele mu ellapo ya Iguputo, mwahiikariha mitundu ddimodda dda athu wi mwaalle mpesooyo.

Deuteronomo 4:37

Ekaamba yawi Apwiya yahaakonda makhollwaanyu yahuutthoollani nyuwaano, edduullu ddiwa, yuukhumihani weekhiiwa o Iguputo ni masiviiwa muullupalli.

Luka 20:9

Vano Yesu ahaamba waalleella athu niphwanaphwaniho nawi, “Waakhalla muthu mmodda aallimalle emataaye ya ezipaso ddampesa. Nave aapolleyiha emateeyo wa athu oollima nave olliye avenyavo aya o ellapo emodda wa enthawi yoorekama.

Mariko 12:1

Vano Yesu ahaamba ollota m'maphwanaphwanihoni wi, “Waakhalla muthu mmodda aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Deuteronomo 32:32

Adaniiwa tti oonanara wonanko Sodomu ni Gomora. Tti wonanko mpesa ddawimma ezipaso ddoowaawa ni ddanttipwi,

Mateyu 21:33

Yesu aallota wi, “Iwani niphwanaphwaniho nimodda. Waakhalla mwaneena a emata aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 41:8

Koma we Israele oorumiwaaka, we Yakobo ootthoolliwaaka tti edduullu ya Abrahamu mukhwaaka.

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Masalimo 105:6

nyu edduullu dda oorumeyelliiwa Abrahamu, anamwani a ootthoolliwiiwa, Yakobo.

Yoswa 24:31

Aisraele yahaarumeyella Apwiya enthawi ettheene Yoswa aariiye mukumi nave athu yaavirellella waarumeyella enthawi ya oohoollella akhwille Yoswa ayo yaari yoonille mitteko nnddo Apwiya yaweerelliiwa Aisraele.

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Yesaya 27:2

Nllapo nenno Apwiya eneerollota dda ematiiwa yampesa yaphaama wi,

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”

Masalimo 80:9

Mwaawullimella emata mpesooyo omella misisi ddoowallamella, oddalla mu ellapweeyo.

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.

Yeremiya 11:16

Khalle Apwiya yuuphwanaphwanihellani ni muteekho wa olivi wookhalla ni makukhu oobiliwila ni ezipaso ddooreera. Koma vano eneerowoosa ni munllo woonyakulla wonanko ettari nave enthambi ddene ddineeroshellella.

Ezekiele 15:2

“We mwaana a muthu, ethiyo muteekho wampesa okhwarannye mwawiidde miteekho ddimodda? Enthambi ddiwa ddikhwarannye mwawiidde enthambi dda miteekho ddimodda dda muutthakoni?