Yeremiya 2:20 - Mawu a Mulluku

²⁰ Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Yeremiya 2:20 ပူးပေါင်းရင်းမြစ်များ

Deuteronomo 12:2

Mutthollose mapuro mattheene, mitundu ddimodda dda athu nnddo munaaddaakheenyu ellapo, ddinallapelliiwamo milluku ddiwa va miyaango ni va asimiyaango navettho vatthi va miteekho ddoovattha.

Levitiko 26:13

Mi tti Apwiya Mullukwaanyu oyo uukhumihalleni mu ellapo ya Iguputo wi muhikhalle akaporwiiwa. Koopwesa nigoli* nanyu wi mweeteke mwawookowa.”

Yeremiya 17:2

Aniiwa ennuupuwella mapurwiiwa oollapellamo ni mafanwiiwa a Asherimu vatthi va orive muteekho woovattha mwiillaponimmo.

Hoseya 3:3

Kaamulleella mutthiyanooyo wi, “Okhalleke ni miyaano mallapo manchichi, ohinakonaka apaalle oraruwa ni muthu mmodda. Miyaanottho kineereweera emoddamoddave yeeyo.”

Yeremiya 30:8

Apwiya Amasiva Mattheene eni, “Nllapo nenno kineerewinttaka nigoli* nookaporo munikohini mwiwa ni ophadda onyolo wowaamaka. Aisraele khekhallattho akaporo a alleto.

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Nahumu 1:13

Sika kineerewinttaka nigoli* mu nikohi mwanyu, kineerophadda onyolwaanyu.”

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’

Ezekiele 23:5

Ohola aanararuwave naari aari ni miyaano. Aanawanddeellella ezibwenzi ddaye dda o Asiriya.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Ezekiele 16:41

Eneerohella munllo enyumba ddawo nave eneerewuullaka vaweella atthiyana anchichi yoonaka. Oraruwa wawo onaamallelle vaavo nave khowa waallivellattho awuukondaawo.

Ezekiele 16:31

Waamaka mapurwaawo ooraruwa va orive musewu nave nipuro noollapellamo va nirive nthato. Koma we khaweera wonanko eneerella ooraruwa amodda vawi khawaapaalla ollivelliwa.

Ezekiele 16:28

Ekaamba ya minkhella ddawo waararuwattho ni Asiriya komattho khewaakholliwe.

Yesaya 14:25

Kineerowoononga Aasiriya mu ellapwaaka nave kineerewaanyingallella va miyaango ddaka. Sika athwaaka kineerewaarulla nigoli* nno Aasiriya yaawarihalliiwa, katundu oollemella va mathuriiwa.

Yesaya 10:27

Nllapo nenno kineerewuurullani katundu a Aasiriya va mathurini vanyu ni nigoli* niwa munikohini mwanyu nave nigolinno nineerewunttakeya ekaamba ya oneneva.”

Yesaya 9:4

Vawi mohunttaka nigoli* niwa noollemella, ekopo yuukuthelliiwa mathuriiwa, miwashullo dda athu owaahoosa wonanko mweerelleenyu vawaagonjihani Amidiyani.

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

1 Mamwene 12:32

Vano Yerobowamu aakeraatthiha nllapo na ehakallallo va nllapo na khumi ni sese na mweeri waneetthanu ni raru, noophwanaphwana ni nllapo na ehakallallo yeereya o Yuda. Aanavelleella mikutho wa mafano a asaanaang'ombe vanikuwani o Betele. Vano o Betelinko ahaahiyawo allupa mukutho o mapuro oollapellamo ayo aapangilleeye.

1 Samuele 12:10

Vano alliwaayo yaavekella wa Apwiya wi, ‘Hiyaano noochimwa kaambiiwa nohuuhiyani nyu Apwiya, ninarumeyella mafano a Baala ni Ashitaroti. Koma vano nivulluseni wa adanaahu nave nineerewuurumeyellani.’

Yoswa 24:26

Yosooyo aalemba malamulo yaalla mu nibukhu na malamulo a Mulluku nave aakusa nlluku nuullupalli aniimesa vatthi va muteekho wa muthundu vanipuroni noopatuleya na Apwiya.

Yoswa 24:24

Athwaayo yaamulleella Yoswa wi, “Nineerekewaarumeyella Apwiya Mullukwaahu nave nineerekowiiwellella.”

Yoswa 1:16

Nave yaamwaakhulla Yoswa wi, “Ddittheddene nnddo munilleelleenyu nineereweera nave orive weko munaanirumeenyu nineeroyaawo.

Deuteronomo 26:17

Ollello mohaadduwella Apwiya wi tti Mullukwaanyu nave moolonjeza weeta mu ettilla ddiwa, osunga malangizwiiwa ni wiiwellella malamulwiiwa mattheene ni weera ddittheddene enuulamuliiwani.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Deuteronomo 5:27

Nyuwaano Mose sika munaatamellewo wi mwiiwe ddittheddene nnddo Apwiya Mullukwaahu enaallotiiwa. Vatulli viwa muwe wi munilleelle attheenehi nnddo enaawuulleelleniiwa nave hiyaano nineerewiiwa ni weera.’

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

Eksodo 24:3

Mose aaya aalleella athu mawu ni malamulo mattheene ayo Apwiya yamulleelliiwa. Nave athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.”

Eksodo 19:8

Athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.” Sika Mose aaya aalleella Apwiya nnddo yallotille athwaayo.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Yawuupullulla 17:1

Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.

1 Mamwene 14:23

Vawi yahiimakellattho mapuro oollapellamo mafano, apoto oopatuleya ni mafano a Asherimu vamwaangoni ni vatthi va miteekho ddoovattha.

Masalimo 107:14

Apwiya yahaakhumiha athwaayo mu epiphi ni omuuthuuchini wa okhwa, yaaphadda onyolwiiwa.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 5:5

Vano kineerooya wa oolamulella, kineerollota ni alliwa. Vawi alliwa sika enaadduwelle ettilla ya Apwiya, eniiwesesa ddoopaalla Mullukwiiwa. Koma kahoona wi yahinttaka nigoli* niwa, yaaphadda onyolwiiwa.

Yeremiya 13:27

Kohoona ddoonanara ddanyu, oraruwa wanyu, minkhella ddanyu ni ohulaanyu omiyaangoni ni ohakani. Otulli nyu a o Yerusalemu! Ethiyo munaakhalleve ooheellihiwa ophiyera niini?

Hoseya 4:13

Ennavelleella mikutho m'miyaangoni, ennoosa lubani* mu asimiyaango, vatthi va miteekho ddoovattha monga muthundu, nnjalle ni munkhundi ekaamba yawi muuthuuchiiwa tti waphaama. Sika ekaambiiwa aniinyu aatthiyana ni avokohaanyu enararuwiiwa.

Oweeruza 2:11

Aisraele yaheera ddoonanara vamiitthoni va Apwiya nave yaanarumeyella milluku dda Baala.

Oweeruza 2:13

Alliwaayo yahaahiya Apwiya enarumeyella milluku dda Baala ni Ashitaroti.

Oweeruza 10:6

Aisraele yaheerattho ddoonanara vamiitthoni va Apwiya voowaarumeyellani Abaala ni Ashitaroti, milluku dda o Siriya, o Sidoni ni o Mowabu, milluku dda Aamoni navettho milluku dda Afilisti. Aisraele yahaahiya Apwiya ohaarumeyellattho.

Masalimo 2:3

Eni, “Hankoni niphadde onyolwiiwoolla. Niittaphulle omikweeni ddiwa.”

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.