Yeremiya 2:19 - Mawu a Mulluku

¹⁹ Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 2:19 ပူးပေါင်းရင်းမြစ်များ

Yesaya 3:9

Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.

Yeremiya 4:18

Nyu Ayuda, nndda dduumorenlleni ekaamba ya makhallellwaanyu ni mitteko ddanyu. Nngu sika ollakiwa wanyu nave tti woovoreya mookusa murima.

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Masalimo 36:1

Machimo ennallota m'murimani mwa muthu oonanara, khanamoova Mulluku m'maganizoni mwaye.

Hoseya 5:5

Wiitukhulla wa Israele tti omboni woomuvaanyiha. Ddawoona, Efuremu aneerokwakwatuwa ni omora ni machimwaaye. Nayeenettho Yuda aneereweera emoddamoddave.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Aroma 3:18

Navettho khenamoova Mulluku.”

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Hoseya 4:16

Aisraele tti eetiyamaaru wonanko asaanaang'ombe. Ethiyo Apwiya ttuuwaachiha wonanko asaanaankhosa va munyepu waphaama?

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Yeremiya 3:22

Nyu athwaaka oohiroromelleya hokollweellani wa miyaano, kineerewuuchirihani wi mukhalle ororomelleya. Nyu munallota wi, “Ninimawa wa Apwiya vawi alliwa tti Mullukwaahu.

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Miyambo 1:31

Muneerocha ezipaso dda mitteko ddanyu nave muneerovona ddoonanara nnddo mwapaalleenyu oweerella amodda.

Miyambo 1:32

Athu eenamwani eneerewiiphiwa ekaamba ya ohollowa wiwa. Nave ookarangeya eneerewoonongeya ekaamba ya ohipwatha wiwa.

Yeremiya 5:24

Khamunaganizereke ddookoova miyaano Mullukwaanyu oyo anuuvahani murimu a ntthokollapallaka ni murimu awaallella va enthawi yaphaama ni enthawi yoohata orive muyakha.

Ezekiele 39:24

Kaaweerella ddenndda ekaamba ya oripihiwa wiwa ni machimwiiwa nave kahaareya etulli.

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Hoseya 13:9

Kineerowoonongani Aisraele. Ethiyo ttaani anaawukavihereni?’

Mika 1:5

Ddittheddenenndda ddineereya ekaamba ya ddoonanara dda Yakobo ni machimo a Israele. Ethiyo ddoonanara dda Yakobo tti ddawiidde? Ethiyo khe dda Samariya? Ethiyo mapuro oollapellamo mafano a Yuda eri wuuwi? Ethiyo kheri mu Yerusalemu?

Eksodo 33:6

Sika ovenyera o mwaango wa Horebu Aisraele kheyaawarattho ddawiireerihana.

Oweeruza 10:13

Koma mookihiya, munarumeyella milluku ddimodda. Ekaamba ya yeella nguuvullusanittho.

1 Mamwene 18:18

Eliya ahaakhulla wi, “Mi nginamuhoosekevo Israele. Koma nyuwaano ni nibanja na attiitthaanyu sika mukhanlle mwaahoosaka Aisraele attheene kaambiiwa mwaahiya malamulo a Apwiya ni othwara malamulo a Abaala.

2 Epilli 12:5

Vano namallotella Shemaya aawa wa Rehobowamu ni wa oohoollella a o Yuda ayo yatthukumanille o Yerusalemu ekaamba ya Shishaki nave ahaalleella wi, “Apwiya enallota wi, ‘Nyu khemunakipwatha miyaano, vano nameenettho nguupwathani nave kinuuvelleellani m'mattani mwa Shishaki.’ ”

2 Epilli 21:10

Sika Aedomu tti oowukila olamulello wa Yuda ophiyera ollello. Vano enthawi yeeyo muzinda wa Libina waawukilattho olamulellwaaye ekaamba yawi olliye ahaahiya Apwiya Mulluku a makhollwaaye.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Yeremiya 1:16

Nave kineerowiipa mullatu athwaaka ekaamba ya machimwiiwa vookihiyani mi. Yaavelleella mikutho wa milluku ddimodda nave yaanallapella ddeko ddoopangiwa ni mattiiwa.

Yeremiya 7:19

Eneesa wi enakikatamiha miyaano koma eniikatamiha weekhiiwa ni wiiwulliha muru.

Yeremiya 13:22

Apaalle ttuuwiikoha wi kaambiiwa tini ddenndda dduumorenlliiwani. Ekaamba ya machimwaanyu awoopiha ddoowara ddanyu ddohaahulliwa nave moopharelliwa.

Ezekiele 23:30

sika ddinaawuuwiihelle ddenndda ekaamba yawi woheera ddoonanara ni mitundu dda athu eelleto nave wohiiripiha ni mafanwiiwa.

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.