Yeremiya 2:18 - Mawu a Mulluku

¹⁸ Munaaphurevo tini mwaya o Iguputo, woowirya maaddi a mu Nailo? Munaaphurevo tini mwaya o Asiriya, woowirya maaddi a mu Yufurate?

Yeremiya 2:18 ပူးပေါင်းရင်းမြစ်များ

Yoswa 13:3

(ellapo yeella yaambeelle omuhinjeni wa Shihori wookhuma nndduwa wa Iguputo ophiyera omalireni wa Ekeroni ompoto. Ellapo ettheeneeyo yaari m'mattani mwa Akanani. Oolamulella ellapo ya Afilisti akhalla o Gaza, o Ashidodi, o Ashikeloni, o Gati ni o Ekeroni) ni ellapo ya Avimu,

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Ezekiele 17:15

Koma mwenooyo aamuwukila mwene a o Babiloni aarumiha o Iguputo oohoollella wi yaaveke akavalo ni akhoto anchichi. Ethiyo mwene awi ddiiddo ttuupambana? Ethiyo aweera ddiiddo ttuuvulluwa? Ethiyo ttuutathilla echipangano nave yoopowe?’ ”

Maliro 4:17

Miitthwaahu yaatopa ni otiyerella nikavihero koma khayiivo naphunreehu. Naatiyerella mutundu wa athu oyo wahiwonre onivullusa.

Yesaya 7:20

“Yaphiya enthaweeyo, Apwiya eneeromulemba oochema oovenyera okhopella wa muhinje wa Yufurate oyo tti mwene a o Asiriya. Ni nchemo naye aneerewuuchemani meehi a omuruni, a vamwiillini ni ereru ddene.

Yesaya 23:3

Mphurwaanyu waari tirigu a o Shihore, ddoohata dda o Nailo nave mwaaneera malonda ni athu a mitundu ddittheddene.

Ezekiele 16:28

Ekaamba ya minkhella ddawo waararuwattho ni Asiriya komattho khewaakholliwe.

2 Epilli 28:16

Va enthawi yeeyo mwene Ahazi aarumiha othenga wa mwene a o Asiriya oveka nikavihero.

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Maliro 5:6

Naakokhora vamiitthoni va Aiguputo ni Aasiriya, wi ttuuphwanya yoocha yookwakhwana.

Ezekiele 23:30

sika ddinaawuuwiihelle ddenndda ekaamba yawi woheera ddoonanara ni mitundu dda athu eelleto nave wohiiripiha ni mafanwiiwa.