Yeremiya 2:17 - Mawu a Mulluku

¹⁷ Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yeremiya 2:17 ပူးပေါင်းရင်းမြစ်များ

Yeremiya 4:18

Nyu Ayuda, nndda dduumorenlleni ekaamba ya makhallellwaanyu ni mitteko ddanyu. Nngu sika ollakiwa wanyu nave tti woovoreya mookusa murima.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Hoseya 13:9

Kineerowoonongani Aisraele. Ethiyo ttaani anaawukavihereni?’

Masalimo 107:7

Yahaahoollella o ettilla yawookowa ophiyera yaaphiya o muzinda wi yakhallemo.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Yesaya 1:4

We ootulli, mutundu wa athu oochimwa, athu oollemelliwa ni ddoonanara. Muyariwe ovenyera wa athu aweera ddoonanara, anamwani ookeraattheya mu ddoonanara. Mohaahiya Apwiya, moomuvevulla Aweella a Israele, moomureya etulli.

Masalimo 136:16

Yahaahoollella athwiiwa mu echipululu, echikondiiwa yoohisintheya tti ya enthawi yoohimalla.

Yobu 4:8

Kohoona wi enaalla machimo ni omidda ddoonanara, enahata emoddamoddave.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Deuteronomo 32:19

“Apwiya yoonilliiwa ddenndda, yahaakhoota athwaayo, kaambiiwa aniiwa aallopwana ni aatthiyana yaattatthamulla owalliiwa.

Deuteronomo 32:10

“Aaphwanyille muchipululuni, ohakani woohikhalla ello. Ahaateteza nave ahaapwatha, wonanko mmo aneerelleeye ni niittho naye,

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Yeremiya 5:25

Koma ddoonanara ddanyu ddoolepheliha ddittheddenenndda nave machimwaanyu aawiimanihani ddaphaama.

Yeremiya 13:22

Apaalle ttuuwiikoha wi kaambiiwa tini ddenndda dduumorenlliiwani. Ekaamba ya machimwaanyu awoopiha ddoowara ddanyu ddohaahulliwa nave moopharelliwa.

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Yeremiya 44:3

Ddittheddenenndda ddaheereya ekaamba ya machimo a athu ayo yattatthamunlle owallaaka, vawoosellani lubani* milluku ddimodda ni oddirumeyella, milluku ddoohidduwelliwa ni alliwa, nyuwaano apaalle makhollwaanyu.

Ezekiele 39:24

Kaaweerella ddenndda ekaamba ya oripihiwa wiwa ni machimwiiwa nave kahaareya etulli.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Yobu 34:27

vawi yaahiya omuthwara, ohipwatha ettilla ddaye ddittheddene.

Miyambo 15:10

Oohiya ettilla yaphaama annallakiwa wunchichi nave awiitana ni ohumullulliwa annakhwa.

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Mika 1:5

Ddittheddenenndda ddineereya ekaamba ya ddoonanara dda Yakobo ni machimo a Israele. Ethiyo ddoonanara dda Yakobo tti ddawiidde? Ethiyo khe dda Samariya? Ethiyo mapuro oollapellamo mafano a Yuda eri wuuwi? Ethiyo kheri mu Yerusalemu?