Yeremiya 2:15 - Mawu a Mulluku

¹⁵ Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.

Yeremiya 2:15 ပူးပေါင်းရင်းမြစ်များ

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yesaya 5:29

Okhuwa wiwa tti wonanko othuruma wa mikango apaalle misote nnddo ddininlla mwawoopiha voopharani enama nave ddinarowana oohikhallavo naari mmodda awaakihera.

Yesaya 1:7

Ellapwaanyu yootthattuwa ntepe nave mizinda ddanyu ddohoosiwa ni munllo. Alleto ahaakha ellapwaanyu ni woononga erive ello moonaka.

Zefaniya 3:6

Apwiya enallota wi, “Kohoononga mitundu ddittheddene dda athu, mipanda ddiwa dda akhoto kooddikumulla. Misewu ddiwa kooddoononga kheyiivottho ayo enaaweetemo. Mizinda ddiwa ddootthattuwa ntepe, khaavo naari muthu mmodda oyo ahanllemo.

Zefaniya 2:5

Otulli nyu okhalla ellapo ya o enyanja, nyu mutundu wa Akeretinu! Nyu athu a o Kanani, ellapo ya Filisti, mawu a Apwiya ennuuhumullullani wi “Kineerowoonongani attheene khavihalla naari muthu mmodda.”

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Nahumu 2:11

Ethiyo vano muzindoolle ori wuuwi? Waari wonanko nikhungu na mikango, mmo asaaniiwa yachelliiwamo, mmo mikango ddittheddene ddakhalliiwamo.

Amosi 3:12

Apwiya enallota wi, “Mmo anavullusella mbusa, meto miilli apaalle naaru dda enkhosa, emoddamoddave yeeyo athu a o Israele ayo enakhalla o Samariya enaavullusiwe ehakallallakave ni eyuumiiwa.”

Amosi 3:8

Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”

Amosi 3:4

Ethiyo mukango ttuuthuruma muutthakoni ohinaphare enama, apaalle ttuuwinlla munikhunguni mwiwa ohinaphare ello?

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Ezekiele 5:14

“We Yerusalemu, kineerewuutthattusa ntepe. Oneerokhalla oovevuwa m'mwiitthoni mwa athu a mitundu ddoowaapheella ni wa oovira.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 34:22

Koma kineerewaalamula nave kineerewaahokollosellattho o muzinda yoolla. Eneerowuuhella ekhoto ni owaakha nave eneerowoosa ni munllo. Sika mizinda dda Yuda kineerodditthattusa ntepe, moohikhalla athu. Mi Apwiya koollota.”

Yeremiya 33:10

Apwiya enallota wi, “Athu enallota wi nipuronna tti ntepe noohikhalla ni athu naari enama. Komave m'mizindani dda Yuda ni m'misewuni dda Yerusalemu mmo vano muri ellapo tuu, moohikhalla muthu naari enama,

Yeremiya 26:9

Kaambiiwa tini ollotenlleewe mu nnddina na Apwiya wi enyumba ella eneerewoonongiwa wonanko Shilo ni wi muzindoolla oneerotthattuwa ntepe, moohikhalla athu?” Sika athu attheene yaatthukumana emwaapheella Yeremiya mu enyumba ya Apwiya.

Yeremiya 25:30

“Vano we Yeremiya, llotella mowaahumullulla wi, ‘Apwiya eneerothuruma oddullu, mawiiwa eneerewiiweya wonanko ogugudeya wa murimu woovenyera o nipuro niwa naweella. Apwiya eneerothuruma moowella waasimwella athwiiwa eneerokhuwa wunchichi wonanko athu oovota mpesa voollipanani ni athu attheene a va ellapo yavatthi.

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yesaya 24:1

Ddawoona, Apwiya eneerewoononga ellapo yavatthi ni oyitthattusa echipululu nave eneeroyinyenyanyenya ni waamwara athu attheene.

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Yesaya 5:9

Kohiiwa Apwiya Amasiva Mattheene ellupellaka wi, “Ddawoona, enyumba ddinchichinnddo ddineerotthattuwa matepe, enyumba dduullupalli ddooreeranddo khamukhallaka athu.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Yobu 4:10

Ennathuruma wonanko mukango, koma miinwiiwa aakhulliwa.

Oweeruza 14:5

Vano Samisoni aaya o Timna ni Attiitthinnya ni amennya. Aphiyalle o emata ddampesa dda o Timna, Samisoni aamoona mwaana a mukango athurumaka opaalla omuphara.

Yeremiya 51:38

Ababiloni eneerothuruma wonanko mukango nave eneerewinlla wonanko anamwani a mukango.

Ezekiele 36:3

Sika vano ollalleye ni waalleella wi mi Apwiya Mulluku kinallota wi, ‘Adanaanyu yuutthattusalleewani echipululu ni wuunyingallellani o embali ddittheddene ophiyera nyuwaano mwaakhalla m'mattani mwa mitundu ddimodda ddittheddene, athu yaanuullotani ni wuunyemullani.

Zekariya 11:3

Iwani, abusattho eniminlla mookhuwa vawi munyepwiiwa waphaama wohoonongiwa. Iwani othuruma wa mikango vawi otthako wa o Yordani wohoonongiwa.

Yeremiya 6:8

We Yerusalemu, hudderavo ello wi echikondaaka va weyaano ehimalle nave kihuutthattuse echipululu, ellapo yoohikhallamo athu.”

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 10:22

Ngiiwani, othenga woophiya, ompoto onnavenyera mulloko woonyakulla wi woononge mizinda dda Yuda, wi dditthattuwe ntepe, mookhalla akhatweve.”

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.