Yeremiya 2:13 - Mawu a Mulluku

¹³ Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Yeremiya 2:13 ပူးပေါင်းရင်းမြစ်များ

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 7:37

Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 2:11

Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

2 Petro 2:17

Athu yaalla tti wonanko neetuutu oohikhalla ni maaddi navettho wonanko mirapo ddooweetihiwa ni ephevo yuullupalli. Mulluku oohaasungella nipuro niwa mu epiphi yooripesesa.

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yeremiya 1:16

Nave kineerowiipa mullatu athwaaka ekaamba ya machimwiiwa vookihiyani mi. Yaavelleella mikutho wa milluku ddimodda nave yaanallapella ddeko ddoopangiwa ni mattiiwa.

Oollalleya 2:26

Vallethi muthu aphaama vamiitthoni va Mulluku annamutthattusa oodduwella, eezeru ni oohakallalla. Koma oochimwa annamuvaha mitteko ddawuurulla ni otthukumaniha ddeko vatulli viwa ddittheddenennddo ddinnavahiwa wa muthu oomuhakallalliha Mulluku. Ddittheddenennddo khaddinna mutteko nave oddaashaasha ddenndda tti wiikatamiha.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yesaya 63:8

Apwiya enallota wi, “Alliwa tti athwaaka, anaaka ayo ehinaakoottotthe,” sika yahaavullusa.

Yesaya 5:13

Sika athwaaka eneerophariwa okaporo ekaamba yoohiiwesesa ddeko. Oohoollelliiwa oovahiwa olemu eneerokhwa ni ettalla nave athu shisha anchichi eneerokhwa ni nthona.

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

Oollalleya 2:11

Vano kahaamba oganizera mitteko dda mattaaka ddittheddene nnddo kahoowilleemina nave kahoona wi khaddinna mutteko nave oddaashaasha ddenndda tti wiikatamiha. Ddawoona khavaari yawi ttuuphuravo va ellapo yavatthi.

Oollalleya 1:2

Ddittheddene khaddinna mutteko, anallota tti Oollalleya, ddittheddene khaddinna mutteko! Ddawoona, ddittheddene khaddinna mutteko!

1 Samuele 12:10

Vano alliwaayo yaavekella wa Apwiya wi, ‘Hiyaano noochimwa kaambiiwa nohuuhiyani nyu Apwiya, ninarumeyella mafano a Baala ni Ashitaroti. Koma vano nivulluseni wa adanaahu nave nineerewuurumeyellani.’

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

Yeremiya 2:26

“Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Oollalleya 2:21

Enthawi emodda muthu ttuuphara mutteko moodduwella, mweezeru ni mweeruso ni omuhiyera muthu oyo ahimorenlle nikhurumella wi ahakallallekena. Ddennddattho khaddinna mutteko nave tti ddoonanara wunchichi.

Oollalleya 1:14

Ddittheddene ddaweereya vatthimva kooddoona. Ddittheddenennddo khaddinna mutteko nave oddaashaasha ddenndda tti wiikatamiha.

Oweeruza 10:13

Koma mookihiya, munarumeyella milluku ddimodda. Ekaamba ya yeella nguuvullusanittho.

Mika 6:3

Apwiya enallota wi, “Nyu athwaaka, kiweerenlleni tini? Ethiyo kuutopihalleni ni tini? Pepaani, kaakhulleni.

Mika 2:8

Apwiya enallota wi, “Koma nyuwaano muri wonanko adani wa athwaaka. Munnawaakha mukanjo athu amurendelle aweeta murima ori m'mapuroni, oohiganizera dda ekhoto.

Yeremiya 18:14

Ethiyo nakhuttu annamalla va malluku a va mwaango wa Lebanoni? Ethiyo mihinje dda maaddi ooriirya oovenyera o mwaango wa Lebanoni ddinnawelleella?

Yeremiya 5:26

“Vawi variyari va athwaaka vookhalla oonanara. Enniipittha wonanko oophara epallame nave ennareya misampha wi yaaphare athu.

Oollalleya 12:8

“Ddittheddene khaddinna mutteko. Ddawoona, ddittheddene khaddinna mutteko!” Anallota tti Oollalleya.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yohane 4:11

Mutthiyanoolle aallota wi, “Nyu, yoorikella maaddi khamunna nave ehimeella tti yoowallamella, munaakuse wuuwi maaddi ookumi?

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Yesaya 12:3

Muneerohakallalla vooyaani woorika maaddi o aneetuutu a ovullusa.”

Yeremiya 14:3

Eeyuuma ennaaruma allupa muttekwiiwa wi yarike maaddi, ennaphiya wiihimeni koma khewuri maaddi, sika ennahokollowa ni mino muhiri ello. Ennawulliwa muru nave ahiimella muru, ennawaramella vatthi.

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Ezekiele 47:1

“Vano muthoolle aakikusella o mullako wa enyumba ya Apwiya. Kaamoona neetuutu akhumaka vatthi va mullako wa enyumba ya Apwiya wookhuma nndduwa vawi enyumbeeyo yaweha wookhuma nndduwa. Waaneeta maaddi vatthi va esiri ya omwera ya enyumba ya Apwiya, omwera wa nikuwa.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

2 Mamwene 22:17

Athwaayo aakihiya, enavelleella mikutho wa milluku ddimodda ni okichimwella ni mafanwiiwa, mitteko ddittheddene dda mattiiwa. Sika osha murima waka wookharella muzindoolla nave khowa othiima.

Yesaya 1:4

We ootulli, mutundu wa athu oochimwa, athu oollemelliwa ni ddoonanara. Muyariwe ovenyera wa athu aweera ddoonanara, anamwani ookeraattheya mu ddoonanara. Mohaahiya Apwiya, moomuvevulla Aweella a Israele, moomureya etulli.

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’