Yeremiya 2:11 - Mawu a Mulluku

¹¹ Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

Yeremiya 2:11 ပူးပေါင်းရင်းမြစ်များ

Aroma 1:23

Enahiya omullapella Mulluku Ookumi woohimalla koma enallapella mafano a athu, epallame, enama apaalle ddawaapadda nnddo ddihinna okumi woohimalla.

Yesaya 37:19

Yahoosa milluku ddiwa nnddo ddihiri millukulluku koma mafano amiteekho ni amalluku oopangiwa ni athu sika ekaambiiwa yaddoonongilliiwa.

Yeremiya 16:20

Ethiyo muthu ttuuwora wiipangella milluku ddawoona? Apanga, kheddikhalla milluku.”

Masalimo 106:20

Yahaakakhaniha ntitimiho na Mulluku ni nifano neeng'ombe yoocha manasi.

Mika 4:5

Naari orive mutundu wa athu othwaraka milluku ddiwa, hiyaano ninaawaathware Apwiya Mullukwaahu wa enthawi yoohimalla.

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yeremiya 2:5

Apwiya enakoha wi, Ethiyo makhollwaanyu yakoonille ni yoonanara yawiidde yookithawella? Yaathwara ddoohikhalla ni mutteko, alliwattho yaatthattuwa oohikhalla ni mutteko.

Masalimo 115:4

Mafanwiiwa tti asiliva ni agolide, mitteko dda matta a athu.

Masalimo 3:3

Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.

Agalatiya 4:8

Khalle khamwamudduwenlle Mulluku, sika mwaari akaporo a ddoophatusiwa ddoohikhalla milluku.

1 Samuele 4:21

Vano mwaanooyo aamuvaha nnddina nawi Ikabodi, ottaphullella wi, “Ntitimiho noovenyawo wa Aisraele!” Eerille ddiiddo kaambiiwa nibokosi na echipangano na Apwiya naari naakhiwe nave ekaamba ya okhwa wa attiitthinnya a mamune ni mamuneene.

2 Epilli 13:9

Ethiyo nyu khemwaawiikarihalle allupa mukutho a Apwiya, anamwani a Aroni ni Alevi mwiitthoollella allupa mukutho wonanko mmo eneerella athu amodda amwiillaponimmo? Arive muthu anawa wi iivelleelle yeekha ni nankhoro a eng'ombe apaalle anankhoro atthanu ni eelli a enkhosa annakhalla mullupa mukutho a ddeko nnddo ddihiri milluku.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Yeremiya 18:13

Apwiya enallota wi, “Akohe athu a mitundu ddimodda ddittheddene, aarimi arivo oyo aambilleke wiiwa ddenndda. Israele olle aari wonanko namwalli, oheera yoonanara wunchichi.

Ezekiele 5:7

“Sika vano mi Apwiya Mulluku kinallota wi, ‘Epewaanyu tti yuullupalli waakhwaranya athu a mitundu ddimodda ddoowaapheellani. Khamuthwanre malamulwaaka nave khamusungalle malangizwaaka koma muthwanre malamulo a athu a mitundu ddimodda ddoowaapheellani.

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

1 Mamwene 11:33

Kineereweera yeella kaambiiwa Solomoni ookikhoota miyaano, anamullapella Ashitoreti mulluku aamutthiyana a Asidoni, Kemoshi mulluku a Amowabu ni Milikomu mulluku a Aamoni. Sika khaawiiwellelle, khaaweerille nnddo kapaalleemi nave khaasungalle malamulwaaka ni malangizwaaka monga mmo eerella Davide attiitthinnya.

2 Mamwene 1:3

Koma mungelo a Apwiya aamulleella Eliya Mutishibe wi, “Timulla, khawe wakumane ni amithenga a mwene a o Samariya, waakohe wi, ‘Ethiyo o Israele khori Mulluku mvo munayeenyu wooveka ezeru wa Baala Zebubi, mulluku a athu a o Ekeroni?’