Yeremiya 19:8 - Mawu a Mulluku

⁸ Muzindoolla kineerowutthattusa nipuro nawunkha ni nawoopiha musoonyo. Arive muthu ooviravo oneerekoriiryiwa mwiilli vawoonani woonongeya wiwa.

Yeremiya 19:8 ပူးပေါင်းရင်းမြစ်များ

Yeremiya 18:16

Ellapwiiwa aayitthattusa ntepe ni yoonyaambusiwa wa enthawi yoohimalla. Arive muthu ooviramo aneerekottikhina navettho aneerekotikha muru.

Yeremiya 49:13

Kinimallupella, muzinda wa Bozira oneerotthattuwa ello yawoopiha, yoottheyiwa, yoohikhalla ni mutteko ni yootembeleliwa. Nave mizi ddiwa ddittheddene ddinaakhalle matepe wa enthawi yoohimalla. Mi Apwiya koollota.”

1 Mamwene 9:8

Nave enyumba yeella eneerokumuwa ni otthattuwa ntepe. Vano arive muthu oovira vaavo aneerekottikhina ni woopa musoonyo vookohani wi, ‘Kaambiiwa tini Apwiya yenriiwa ddenndda va enyumbeella?’

Zefaniya 2:15

Yooyo tti muzinda oyo waddeesa wookeraattheya, oyo m'murimani mwiwa wallota wi, “Meeneve, khaavottho mmodda!” Vano ngoonani mmo woonongeyelliiwa! Wootthattuwa ntepe nookhallamo enama ddamuhakani, arive muthu oovira mwemmo aneerekewoopa musoonyo nave aneerekotikha muru.

Yeremiya 50:13

Khokhalla athu ekaamba ya osha murima wa Apwiya nave onaakhalle matepeve. Arive muthu oovira o Babiloni eneerottikhina ni woopa musoonyo ekaamba ya makhwata a muzindooyo.

Yeremiya 25:18

Yaakiruma o Yerusalemu, o mizinda dda o Yuda, wa mamwenaaye ni enduna ddaye wi etthattuwe matepe, ello yawoopiha ni yoottheyiwa monga ddikhallelliiwa ollello.

Levitiko 26:32

Kineerewoononga ellapwaanyu sika wi adanaanyu ayo enaakhalle mwemmo eneerottikhina.

Deuteronomo 28:37

Orive weko nko Apwiya enuupallalleselleniwawo, athu eneerekewuuttikhinani, eneerekewuuttheyani, eneerekewoopa mwaha mwawuunyemullani.

Deuteronomo 29:22

“Athu a mibado ddanyu ddamuhoollo, edduullu ddanyu ni alleto oovenyera woorekama, eneerewoona millillinnddo ni ddoohoosa nnddo Apwiya enaamorihelliiwa va ellapwaanyu.

Ezekiele 27:36

Athu amalonda a ellapo ddimodda ennoopa musoonyo. Woomalla mwawoopiha, khowa okhallavottho wa enthawi yoohimalla.”

Mika 6:16

Moosunga makhallello oonanara a mwene Omuri ni mitteko ddittheddene dda nibanja na Ahabu. Ekaamba yawi moothwara ettilla ddiwa ddittheddene, miyaano kineerewuutthollosani. Mitundu ddimodda dda athu oneerekewuusoonyani nave orive weko athu eneerewuuvevullani.