Yeremiya 19:7 - Mawu a Mulluku

⁷ Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Yeremiya 19:7 ပူးပေါင်းရင်းမြစ်များ

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 34:20

Attheenaayo kineerewaavelleella wa adaniiwa ni wa ayo enapaalla owiipha. Nave mitembo ddiwa ddinaakhalle yoocha ya epallame ni enama ddamuhakani.

Yeremiya 15:9

Moowe a anamwani atthanu ni eelli oongomowa, anavumella muddullu. Epiphi yommorella otthaana, oowullihiwa muru nave murima onimamvoreya. Oohalla attheene kineerewaavelleella wa adani wi ewiiphe ni nsupada. Mi Apwiya koollota.”

Yeremiya 15:2

Nave Yuukoha wi, ‘Ethiyo niye wuuwi?’ Waalleelle wi mi kinallota wi, ‘Oophwanella okhwa enaaye wuukhwaani, a o nsupada enaaye onsupadani, a o ettalla enaaye ottallani, a o okaporo enaaye wuukaporoni.’

Yeremiya 7:33

Vano mitembo dda athu yaalla ddinaakhalle yoocha ya epallame ni enama ddamuhakani nave khavikhalla arive muthu ooddiikara.

Aroma 4:14

Vawi eyo Mulluku alonjezilleeye yaavahiwa wa ayo eniiwellella malamulo, sika echikhulupililo khekhalla yoopaalleya nave lonjezano na Mulluku khaninna mutteko.

Aroma 3:31

Ethiyo malamulo khenna mutteko ekaamba ya echikhulupililo? Khe ddiiddo! Koma ninnasimikiza malamulwaayo.

Maliro 3:37

Ttaani anaawore olamula wi ddawi yooriyoori ddeereye, yaarimi Apwiya ehaakhullenlle ddennddo?

Yeremiya 46:26

Kineerewaavelleella wa ayo enapaalla ewoononge, sika wi wa Nebukadinezara, mwene a o Babiloni ni oohoollellaaye akhoto. Komave vavira enthawi, Iguputo aneerokhallattho ni athu wonanko khalle. Mi Apwiya koollota.”

Yeremiya 22:25

Kineerewuuvelleella m'mattani mwa oopaalla owiipha, mwa ayo onawooveewe, Nebukadinezara mwene a o Babiloni ni athwaaye.

Yeremiya 22:19

Enaamuvitthe wonanko bulu, oneeromukwekweresa wi yamutathille otte wa millako dda Yerusalemu.”

Yeremiya 18:21

Koma vano allakeni aniiwa ni ettalla ni ekhoto. Awariwa ekhalle anaamukhwelle, ehikhallena anamwani. Amamuniwa ekhwe ni mullilli nave asombwiiwa ekhwe ni nsupada okhotoni.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Yesaya 8:10

Naari mwiiwanane koma mwiiwananooyo khophura ello. Mupanganelle ddaweera komave khaddiworeya vawi Mulluku ari ni hiyaano.

Miyambo 21:30

Khaviri ezeru wiiwesesa apaalle malangizo owaapambana Apwiya.

Yeremiya 8:8

Munaallote mwawiidde wi muri eezeru nave wi mookhalla ni malamulwaaka? Ngoonani vawi malamulwaayo aasinthiwa ni alembi awoottha.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Yeremiya 32:28

Sika ekaambiiwa kinalloteemi wi kineerowuvelleella muzindoolla wa Nebukadinezara mwene a o Babiloni nave aneerowaakha.

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

1 Samuele 17:46

Ollello vaava Apwiya eneerokikavihera wi kuugonjihe. Kineerewuukuha ni wuuphadda murwaawo. Mitembo dda akhoto a Afilisti, kineeroddivahella epallame ddamuddullu ni enama ddamuhakani wi athu a ellapo ettheene edduwelle wi wookhalla Mulluku o Israele.

2 Mamwene 21:14

Sika oohalla a athwaaka kineerewaavenyiha mu ellapo ni waavelleella m'mattani mwa adaniiwa. Nave adaniiwa eneerowiipha ni owaakha ddittheddene.

Yesaya 29:14

Sika kineerovirellella oweerella ddoottikhiniha athu yaayo. Ezeru dda athwiiwa eezeru ddineeromalla nave ochenjera wa athwiiwa oochenjera oneerewiipittha.”

Yeremiya 21:7

Vatulli viwa kineeromupharella wuukaporoni Zedekiya mwene a o Yuda ni enduna ddaye ni athu oohalla m'muzindoolla oovulluwa o mullilli, ettalla ni ekhoto. Kineerewaavelleella m'mattani mwa Nebukadinezara mwene a o Babiloni navettho wa adaniiwa ayo enapaalla owiipha. Ddawoona, eneerowiipha ni nsupada, kheyaamorella ethakaraka apaalle echifundo.’ ”