Yeremiya 19:5 - Mawu a Mulluku

⁵ Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

Yeremiya 19:5 ပူးပေါင်းရင်းမြစ်များ

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Deuteronomo 12:31

Muhaallapelleke Apwiya Mullukwaanyu, moophwanaphwana ni mmo alliwa enallapellelliiwa milluku ddiwannddo. Alliwa enneera ddoonanara ddawoopiha ddinchichi ddawiitana ni Apwiya vawi ennaashellelliha aniiwa aallopwana ni aatthiyana vamunlloni vawaavelleellani wa milluku ddiwa.

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

2 Mamwene 17:17

Yaanaavelleella mukutho aniiwa aallopwana ni aatthiyana nave yaanoombesa makhanga, yaaneerattho ddookhwiri. Yahiivelleella weera ddoonanara vamiitthoni va Apwiya ni waashiha murima.

Daniele 2:29

Nyu amwene, maganizo ayo yuuweelleni mukonaka yaari a ddeko nnddo ddineereye muhoollo. Mulluku awuupullulla ddoovittheya, ohuulleellani nnddo ddineereye muhoollo.

Ezekiele 38:10

“Mi Apwiya Mulluku kinallota wi, ‘Va nllapo nenno m'murimani mwawo muneeroowa maganizo oopaalla okhozekella weera ddoonanara.’

Ezekiele 20:26

Kahaahiyerera wi yiiripihe ni mikutho vawaavelleellani aniiwa awaamba. Kaheera ddenndda wi ellakallakeye nave edduwelle wi mi tti Apwiya.”

2 Epilli 28:3

nave aanoosa lubani* vantaponi na mwaana a Hinomu nave ahaavelleella anaaye aallopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

Numeri 22:41

Osaka wene Balaki aamukusa Balamu ayaana omiyaangoni dda Bamoti Baala nko Balamu aworeeye woona embali emodda ya misasa ddinchichi dda Aisraele.

Ezekiele 16:36

Apwiya Mulluku enallota wi, ‘Waarulla moohiwulliwa muru wahooniha epwillimwinddi vooraruwani ni ookondanaawo nave ni mafanwaawo, vawaavelleellani anaawo wi yiiphiwe wonanko mukutho woovelleelliwa o mafano.’

2 Mamwene 21:6

Vatulli viwa aamuvelleella mwanaye aamullopwana monga mukutho. Aanoombesa makhanga ni weera dda masenga ni okhwiri. Aheera ddoonanara ddinchichi vamiitthoni va Apwiya nnddo aashihalleeyena murima.