Yeremiya 19:2 - Mawu a Mulluku

² Muye o ntapo na Mwaana a Hinomu vakhuviru ni mullako wa Mavalli wi wallalleye nnddo kinuulleelleemi

Yeremiya 19:2 ပူးပေါင်းရင်းမြစ်များ

Yoswa 15:8

Nave yaawella oweella o ntapo na Mwaana a Hinomu embali ya omwera wa Ayebusi, (sika wi o Yerusalemu). Makuthullellwaayo yaakhwaranya yaphiya omwera wa mwaango wa vahoollo va ntapo na Mwaana a Hinomu woovollowa nndduwa, omamallihello a ntapo na Refaimu ompoto.

2 Mamwene 23:10

Mwene Yosiya ahoonongattho nipuro namukutho na Tofeti eyo yaari mu ntapo na anamwani a Hinomu wi arive muthu ahimuvelleelle mwanaye aamullopwana apaalle aamutthiyana wi okhalle mukutho wa Moleki.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

2 Epilli 33:6

Nave ahaavelleella anaaye aallopwana wi ekhalle mukutho wooshellelliha va ntapo na Mwaana a Hinomu nave aaneera dda masenga ni woombesa makhanga ni wiiwanana ni athu oollota ni minepa navettho ni akhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

2 Epilli 28:3

nave aanoosa lubani* vantaponi na mwaana a Hinomu nave ahaavelleella anaaye aallopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Mitteko 5:20

“Khaweni mu enyumba ya Mulluku nave mwaalleelle athu dda okumi wanaanweenoolla.”

Mateyu 10:27

Nnddo kinuulleelleemini mwiipiphini nyuwaano munaphwanella muddiwulule vawooneya navettho nnddo muniiweenyu ddillotiwaka moonong'ona wa nyuwaano munaphwanella muddillalleye vaddullu va enyumba.

Yona 3:2

“Khawe o Nineve, o muzinda muullupalloolle. Waahumullulle ni othenga olla kinawinnyeemi.”

Yeremiya 26:2

“Khawe wiimelle mu nthato na enyumba ya Apwiya nave wallote wa athu attheene ookhalla m'mizindani dda o Yuda ayo enallapella onyumbani ddittheddene nnddo kuulamunleemi wi wallote oohihiyavo ello.

Yeremiya 11:6

Vano Apwiya yaakilleella wi, “Ollalleye mawu mattheene o mizinda dda o Yuda ni mu misewu dda mu Yerusalemu nave waalleelle wi, ‘Ngiiwani mawu a echipangano nave mwaasunge.

Yeremiya 7:2

“Imella va mullako wa enyumba ya Apwiya nave llalleya mawu a Apwiya wa athu attheene a o Yuda ayo enavollowa va mullako wi yaallapelle Apwiya.

Yeremiya 3:12

Khawe wallalleye ompoto othenga wawi, ‘We Israele oohiroromelleya, hokollowa, Apwiya sika ennallota. Owallaaka khuvirellella vawi miyaano tti eechifundo, ngiwa kuunanariwella wa enthawi yoohimalla.

Yeremiya 1:7

Koma Apwiya yaakaakhulla wi, “Ohillote wi, ‘Mi kiri mwaana.’ Vawi ddawoona, oneeroya wa athu attheene nko kinuurumeemiwo nave oneerollota erive ello kinuulamuleemi.

Nehemiya 3:29

Vano esiri yawaatamana ni ya allupa mukutho yamakiwettho ni Zadoki mwaana a Imeri moowehana ni enyumbaaye nave esiri yawaatamana ni ya Zadoki yamakiwettho ni Shemaya mwaana a Shekaniya oyo awehera mullako wa Wookhuma Nndduwa.

Yeremiya 18:2

“Timulla oye o enyumba ya awoopa epalli, wenko oneerewiiwa mawaaka.”