Yeremiya 18:8 - Mawu a Mulluku

⁸ mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Yeremiya 18:8 ပူးပေါင်းရင်းမြစ်များ

Ezekiele 18:21

Muthu oochimwa ahiya machimwaaye aniiwellella malamulwaaka mattheene nave aneera ddoolungama ni ddaphaama, aneerokhalla ni okumi, khakhwa.

Yeremiya 26:13

Koma mwahiya machimwaanyu ni waamba wiiwellella mawu a Apwiya Mullukwaanyu eneerewuukhululukellani, kheyuullakani moollikana ni mmo yallotelliiwa.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Yeremiya 26:3

Apaalle ttuuwiiwellella nave arive muthu ttuuhiya machimwaaye wi kihaallake moollikana ni mmo kaganizelleemi ekaamba ya ddoonanara ddiwa.

Oweeruza 2:18

Erive enthawi Apwiya yaatthoollella oweeruza, Apwiyaayo yaanakhalla ni olliyooyo. Nave ooweeruzooyo aanaavullusa Aisraele wa adaniiwa enthawi ettheene yookumaaye. Apwiya yaanaamorella ethakaraka alliwaayo yaakhupanyaka ekaamba ya ayo yaakatamiha ni waanyingallella.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Masalimo 135:14

Vawi Apwiya eneerokamulla wi athwiiwa kheyinna mullatu, eneeroweerella echifundo alliwa.

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

2 Epilli 12:6

Nave oohoollella a Israele ni mwene yahiiyeviha ellota wi, “Apwiya tti oolungama.”

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Eksodo 32:12

Ethiyo munapaalla wi Aiguputwaayo elloteke wi, ‘Ahaakhumiha o Iguputo ni yoolinga yoonanara wi awiiphelle omiyaangoni ni waatthollosa va ellapo yavatthi?’ Hiyani owallaanyu wookhara wonanko munllooyo nave muhiwoononge athwaanyu.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Ezekiele 33:13

Naari kimulleelle muthu oolungama wi aneerokhalla ni okumi koma anaroromella va nnddo eerilleeye khalle, aamba ochimwa, ddoolungama ddaye ddittheddene eerilleeyennddo ddineerotiwalleya, aneerokhwa ekaamba ya machimwaaye.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Yeremiya 36:3

Apaalle nibanja na Yuda ttuuwiiwa dda ddawoopiha ddittheddene nnddo kinaamorihelleemi. Sika arive muthu aneerohiya makhallellwaaye oonanara. Vano kineerewaakhululukella ddoonanara ddiwa ni machimwiiwa.”

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Ezekiele 33:14

Emoddamoddave yeeyo kamuchenjeza muthu oochimwa wi aneerokhwa, vano olliye ahiya ochimwanko aneera ddoolungama ni ddaphaama,

Eksodo 32:14

Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.

Ezekiele 33:12

“Vano we mwaana a muthu waalleelle athwaawo wi muthu oolungama achimwa, echilungamwaaye khemuvullusa. Oonanara ahiya ochimwa khallakiwa. Nave oolungama achimwa khawora okhalla ni okumi ekaamba ya mitteko ddaye ddoolungama.

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.