Yeremiya 18:23 - Mawu a Mulluku

²³ Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Yeremiya 18:23 ပူးပေါင်းရင်းမြစ်များ

Masalimo 35:4

Evevuwe nave ewulliwe muru attheene enaashaasha okumaaka. Ehokollweelle mutulli ethawe mwanampallalla ayo enapanganella yoonanara.

Yesaya 2:9

Ekaamba ya yeella athu eneeroyevihiwa ni okitthihiwa koma muhaakhululukelle.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Luka 21:22

Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yeremiya 15:15

Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

Yeremiya 11:23

Khavulluwa naari mmodda vawi kineerowoononga athu a o Anatoti waphiya muyakhiiwa wa ollakiwa.”

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Masalimo 59:5

Nyu Apwiya Mulluku Amasiva Mattheene, Mulluku a Israele, venyani wi mwaallake athu attheene a mitundu ddimodda ddittheddene. Muhinamweerella echifundo arive muthu mwa athu oolleka ni eechiwembu.

Masalimo 119:126

Nyu Apwiya yookwakhwana enthawi yawi mweerevo ello vawi athu aatathilla malamulwaanyu.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yeremiya 6:21

Sika vano athu yaalla kineerewaahiyera ddookwakwatuwiha. Makhollo ni anamwaniiwa eneerokhwa, awaattanana ni awaatamanana eneerewoonongeya.”

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Yeremiya 26:8

Vano Yeremiya amallihalle ollota mawu mattheene Apwiya yamulamunliiwa wi aalleelle athu attheene, amodda mwa allupa mukutho, anamallotella ni athu yamphara nave emulleella wi, “Onaphwanella wiiphiwa.

Yeremiya 26:11

Vano allupa mukutho ni anamallotella yahaalleella oohoollella ni athu amodda attheene wi, “Muthoolla anaphwanella wiiphiwa! Mohiiwa ni maarwaanyu wi olliye anallotella ddoonanara dda muzindoolla.”

Yeremiya 37:15

Endunanndde ddaamushella murima Yeremiya nave ddaamuukutha, ddimuwallella mu enyumba ya namalembella Yonatani eyo yayitthattunsiiwa endende.

Yeremiya 38:4

Vano enduna ddaamulleella mwene wi, “Muthoolla anaphwanella wiiphiwa. Annaatathilliha murima akhoto ni athu attheene oohalla mu muzinda ekaamba ya ddoollota ddaye. Muthu yoolla khanawaashera ddaphaama athu, anapaalla wi yoonongiwe.”

Masalimo 56:8

Munneerenga othawathawa waka, sungani miitthori ddaka m'munoni mwanyu. Ethiyo nndda khaddilembiwe munibukhuni mwanyu?

Yeremiya 17:18

Koma mwaawullihe muru ookihoosa, ohiri miyaano. Muwoopopihe alliwa, ohiri miyaano. Nllapo na otulli naamorelle nave muwoononge moohihiyerera.

Maliro 3:60

Mwahoona mmo yakihokollosellelliiwa, mmo yiiwananelliiwa wi ekeerelle.

Maliro 3:61

Nyu Apwiya, mwahiiwa okinyaambusa wiwa, navettho yakhozekelliiwa wi ekeerelle.