Yeremiya 18:16 - Mawu a Mulluku

¹⁶ Ellapwiiwa aayitthattusa ntepe ni yoonyaambusiwa wa enthawi yoohimalla. Arive muthu ooviramo aneerekottikhina navettho aneerekotikha muru.

Yeremiya 18:16 ပူးပေါင်းရင်းမြစ်များ

Masalimo 22:7

Attheene ookoona ennakittheya, ennakinyindulla ni otikha miru ddiwa.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 19:8

Muzindoolla kineerowutthattusa nipuro nawunkha ni nawoopiha musoonyo. Arive muthu ooviravo oneerekoriiryiwa mwiilli vawoonani woonongeya wiwa.

Mateyu 27:39

Athu oovira yaanatikha miru ddiwa enamullotella epewe.

Mika 6:16

Moosunga makhallello oonanara a mwene Omuri ni mitteko ddittheddene dda nibanja na Ahabu. Ekaamba yawi moothwara ettilla ddiwa ddittheddene, miyaano kineerewuutthollosani. Mitundu ddimodda dda athu oneerekewuusoonyani nave orive weko athu eneerewuuvevullani.

Yeremiya 50:13

Khokhalla athu ekaamba ya osha murima wa Apwiya nave onaakhalle matepeve. Arive muthu oovira o Babiloni eneerottikhina ni woopa musoonyo ekaamba ya makhwata a muzindooyo.

Yeremiya 49:13

Kinimallupella, muzinda wa Bozira oneerotthattuwa ello yawoopiha, yoottheyiwa, yoohikhalla ni mutteko ni yootembeleliwa. Nave mizi ddiwa ddittheddene ddinaakhalle matepe wa enthawi yoohimalla. Mi Apwiya koollota.”

1 Mamwene 9:8

Nave enyumba yeella eneerokumuwa ni otthattuwa ntepe. Vano arive muthu oovira vaavo aneerekottikhina ni woopa musoonyo vookohani wi, ‘Kaambiiwa tini Apwiya yenriiwa ddenndda va enyumbeella?’

Mariko 15:29

Athu oovira yaanatikha miru ddiwa enamullotella epewe. Yaanallota wi, “Ha! Weyaano oowora okumulla enyumba ya Mulluku oyimakattho mallapo mararu,

Yesaya 37:22

kinallota dda olliye wi, ‘We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Ezekiele 12:19

Alleelle a mwiillaponimmo wi kinallota mi Apwiya Mulluku dda athu ookhalla o Yerusalemu navettho mu Israele tti ddawi, Athwaayo Eneerekoocha mootthukumella ni owirya mwawoova vawi ellapwiiwa eneerewaakhiwa erive ello ekaamba ya echiwawa ya athu ookhalla mwemmo.

Ezekiele 6:14

Sika kineerowoononga ni muwonwaaka nave ellapwiiwa ettheene kineeroyitthattusa otthako ni ntepe, ovenyera o chipululu ophiya o muzinda wa Ribula. Vano eneerodduwella wi mi tti Apwiya.”

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Masalimo 44:14

Moonitthattusa oonyemulliwa variyari va mitundu ddimodda dda athu, akhwiihu ennatikha muru moonittheya.

Deuteronomo 29:23

Emata ddanyu ddineerotthulluwa, ddinaaddalle sulufure ni mwiinyu nave khemumella erive ello naari manasi. Ellapwaanyu enaakhalle wonanko mizinda dda o Sodomu ni Gomora navettho dda o Adima ni Zeboimu nnddo Apwiya yaddoonongilliiwa va enthawi elle yashilliiwa murima wunchichi.

Deuteronomo 28:59

Mwaaheera ddiiddo Apwiya eneerewuumorihellani nyuwaano ni edduullu ddanyu ddoohoosa ddawoopiha ni ddoohimalla navettho ereta ddoohichiriheya.

Levitiko 26:43

Koma yaambe oyihiya ethaya wi ehakallallelle miyakha ddawiithuuwa, ellapweeyo yaahikhalla ni athu. Vano alliwa eneerollakeya ekaamba ya machimwiiwa vawi yaakhoota nnddo kaalamulalleemi nave mirima ddiwa ddahiitana ni malangizwaaka.

Levitiko 26:32

Kineerewoononga ellapwaanyu sika wi adanaanyu ayo enaakhalle mwemmo eneerottikhina.

Masalimo 109:25

Ookootthera ennakinyemulla, yakoona ennatikha miru ddiwa.

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Yeremiya 44:12

Kineerewaakusa athu oohalla o Yuda ayo yallipihenlle oya o Iguputo wi yakhalle wenko, attheenaayo eneerotthollowa. Eneerewiiphelliwa mu ellapo ya Iguputo, amodda enaakhwe ni ekhoto nave amodda ni ettalla. Ang'onong'ono ni uullupalli enaakhwe ni ekhoto apaalle ni ettalla. Nave eneerotthattuwa ello yoonanara ni yooriiryiha mwiilli, ello yootembeleliwa ni yoovevulliwa.

Yeremiya 48:27

Mowabu, onnuupuwella mmo wamunyaambuselleewe Israele nave mmo waavevullelleewe wonanko allupaawiiya?

Yeremiya 49:17

Apwiya yaallota wi, “Ellapo ya Edomu kineeroyitthattusa nipuro nawunkha ni nawoopiha musoonyo. Arive muthu ooviravo oneerekoriiryiwa mwiilli vawoonani woonongeya wiwa.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Ezekiele 27:36

Athu amalonda a ellapo ddimodda ennoopa musoonyo. Woomalla mwawoopiha, khowa okhallavottho wa enthawi yoohimalla.”

Ezekiele 36:3

Sika vano ollalleye ni waalleella wi mi Apwiya Mulluku kinallota wi, ‘Adanaanyu yuutthattusalleewani echipululu ni wuunyingallellani o embali ddittheddene ophiyera nyuwaano mwaakhalla m'mattani mwa mitundu ddimodda ddittheddene, athu yaanuullotani ni wuunyemullani.

2 Epilli 29:8

Sika ekaambiiwa osha murima wa Apwiya waphiyalliiwa va Yuda ni Yerusalemu. Ahaatthattusa ello yawoopiha ni yoosonyiwa vawaanyemullani wonanko munooneellaanyu.

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 51:37

Sika Babiloni aneerotthattuwa ntepe, nipuro na akhuddupa, nipuro nawoopiha ni nipuro noosoonyiha, noohikhalliwa ni arive muthu.

Yeremiya 51:43

Mizinda ddaye ddootthattuwa matepe, ellapo yawumma ni yeechipululu, ellapo yoohikhalla ni athu apaalle weetamo arive muthu.