Yeremiya 18:15 - Mawu a Mulluku

¹⁵ Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Yeremiya 18:15 ပူးပေါင်းရင်းမြစ်များ

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Hoseya 11:2

Koma mmo kamwiithanelleemi, tti mmottho akithawelleeye, athwaaka yaanavelleella mikutho wa Abaala ni woosa lubani* wa mafano.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

Yesaya 57:14

Vineerewiiweya mawu awi, “Llimani, llimani, okollani musewu. Venyihanivoni erive yookwakwatuwiha mu musewu wa athwaaka.”

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Yeremiya 10:15

Mafano khenna mutteko, tti oophwanella waavevulla, voollakiwani eneerewoonongiwa.

Yesaya 41:29

Ddawoona, milluku ddenndda khe ello, ddaweera ddiwa khaddinna mutteko.”

Mateyu 15:6

khanaphwanella waavaha olemu makhollwaaye. Mwawi ddiidda munnavevulla mawu a Mulluku vawi muniiwellella ehuddihwaanyu.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 13:25

Muneerewaakhella ollaka nko kuukeraatthihelleemini ekaamba yawi mookitiwalla nave munaroromella milluku ddawoottha.

Yeremiya 3:21

Mawu ahiiweya va asimiyaango, Aisraele eniminlla ni oveka echifundo, vawi aathwara ettilla ddoonanara, ahaatiwalla Apwiya Mullukwiiwa.

Aroma 14:21

Tti waphaama ohicha enama, ohimuwirya vinyo apaalle weera erive ello yoowaachimwiha asinninyu ni arokorinyu.

Yeremiya 44:25

Apwiya Amasiva Mattheene, Mulluku a Israele, enallota wi nyuwaano ni awarinyu mwaallupella ni vayanoni vanyu nave mwaheera ni mattaanyu. Nave mwaalonjeza wi muneereweera nnddo mwallupenlleenyu, omoosella lubani mwene aamutthiyana ooddullu ni omuheraatthella mikutho ddaddoowirya. Iyaayi, ddaphaama! Simikizani lonjezano nanyu ni weera nnddo mwallupenlleenyu.

Yeremiya 19:5

Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

Yesaya 62:10

Khumellani, khumellani vamullakonimvo, apotokoselleni ettilla athu! Llimani, llimani musewu, venyihanimoni malluku, imesani embendela wi mitundu dda athu ddooneke.

Yesaya 9:16

Vawi ayo enaahoollella athwaalla sika enaahollosa nave oohoollelliwaayo ennarimeella.

Yesaya 3:12

Athwaakanyu, asombwe sika enuuhoosani nave atthiyana sika enuulamulellani. Ha, athwaakanyu, enuuhollosani tti oohoollellaanyu nave enuuvirikanihellani ettilla ddanyu.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yesaya 65:7

Kineerewaallakattho ekaamba ya machimwiiwa ni machimo a makhollwiiwa. Yahoosa lubani va miyaango nave yaakivevulla va asimiyaango ddiwa. Sika miyaano kineerewaallaka moollikana ni nnddo yeerilliiwa.”

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 18:14

Ethiyo nakhuttu annamalla va malluku a va mwaango wa Lebanoni? Ethiyo mihinje dda maaddi ooriirya oovenyera o mwaango wa Lebanoni ddinnawelleella?

Yeremiya 51:18

Mafano khenna mutteko, tti oophwanella waavevulla, voollakiwani eneerewoonongiwa.

Ezekiele 21:15

Athwaaka eneerotathilla murima ni omora. Kohaakhozera nsupada noonyezimilla. Nineerosherima wonanko ettari nave koonirumiha o mizinda wi niwiiphe.

Ezekiele 36:15

Ngaakhullellattho wi wiiwe ovevulla wa athu a mitundu ddimodda apaalle khowa ovillella onyemulla wiwa nave khowa waakwakwatuwiha athu a mu ellapwaawo. Mi Apwiya Mulluku koollota.”

Hoseya 2:6

Sika ekaamba ya yeella kineeroyiwalla ettillaaye ni miiwa. Kineeromwaapheella ni esiri wi ahoone musewu.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Yeremiya 1:16

Nave kineerowiipa mullatu athwaaka ekaamba ya machimwiiwa vookihiyani mi. Yaavelleella mikutho wa milluku ddimodda nave yaanallapella ddeko ddoopangiwa ni mattiiwa.

Yeremiya 11:12

Athu a mu mizinda dda o Yuda ni mu Yerusalemu eneerewinllella nikavihero wa milluku nnddo yavelleelliiwawo mikutho koma kheddiwora waavullusa va enthawi ya ddoohoosa ddiwa.

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”