Yeremiya 18:13 - Mawu a Mulluku

¹³ Apwiya enallota wi, “Akohe athu a mitundu ddimodda ddittheddene, aarimi arivo oyo aambilleke wiiwa ddenndda. Israele olle aari wonanko namwalli, oheera yoonanara wunchichi.

Yeremiya 18:13 ပူးပေါင်းရင်းမြစ်များ

Yeremiya 5:30

Mwiillaponimmu moheereya ello yawoopiha ni yooriiryiha mwiilli.

Hoseya 6:10

Variyari va Aisraele kohoonavo ello yoonanara. Aefuremu yaanararuwa, Aisraele yahiiripiha.

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Yesaya 66:8

Ttaani aambilleke wiiwa ddenndda? Ttaani aambilleke oddoona ddenndda? Ethiyo ellapo ttuuyariwa nllapo nimodda? Ethiyo mutundu wa athu ttuuyariwa nllapo nimodda? Koma Ziyoni ahaayara anaaye aallopwana ahinaambe woona ovoreya.

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

1 Akorinto 5:1

Vano ddinniiweya wi vookhalla oraruwa variyari vanyu. Oraruwa wene tti wawi naari athu oohimullapella Mulluku kheneera. Koolleelliwa wi muthu annakona ni mwaara a attiitthinnya!

Maliro 1:15

“Apwiya yahaanyaambusa amasiva attheene ayo yakhalla ni miyaano. Aatthukumaniha mulloko wa athu wi owoononge asombwaaka. Apwiya aamunyingallella mwaana aamutthiyana, Yuda, wonanko mmo mpesa onavotelliwiiwa.”

Yesaya 36:22

Vano Eliyakimu mwaana a Hilikiya muullupalli oowehera enyumba yoomwene, Shebina namalembella ni Yowa mwaana a Asafu ookavihera, yahaahulla ddoowara ddiwa mweethakaraka nave yaaya wa mwene Hezekiya yamulleella ddallotille enduna ya a o Asiriya.

1 Samuele 4:7

Afilistaayo yahoova vawi yaallota wi, “Woophiya milluku omisasani wahu.” Nave yaallota wi, “Otulli ori ni hiyaano vawi ovenyera khalle ello yawi ddiidda khenaneereyelleke.

Yeremiya 18:14

Ethiyo nakhuttu annamalla va malluku a va mwaango wa Lebanoni? Ethiyo mihinje dda maaddi ooriirya oovenyera o mwaango wa Lebanoni ddinnawelleella?

Amosi 5:1

Nyu a nibanja na Israele, ngiiwani mawu kinuulleelleemini dda nyuwaano moowinlla awi,

Amosi 5:2

“Namwalli Israele oomora, khavenyattho, ootathilliwa nave ootiwalliwa va ellapwaaye, khaavottho anaamuvenyihe.”