Yeremiya 18:10 - Mawu a Mulluku

¹⁰ koma mutundooyo waavirellellaka weera ddoonanara vamiitthoni vaka, ohiiwellella mawaaka ngiweerella ddaphaama nnddo kaganizelleemi.

Yeremiya 18:10 ပူးပေါင်းရင်းမြစ်များ

Ezekiele 33:18

Muthu oolungama ahiya weera ddaphaama aneera ddoonanara aneerokhwana.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Ezekiele 18:24

“Koma muthu oolungama atthattuwa oonanara, aneera ddoonanara ddoohiyanahiyana nnddo athu oonanara eneeriiwa, ethiyo muthu awi ddiidda ttuukhalla ni okumi? Iyaayi, ddaphaama ddittheddene khaddiwa dduupuwelliwa. Vawi aweera ddoonanara nave oochimwa aneerokhwa.

1 Samuele 13:13

Samuele aamulleella wi, “Moheerathi ddookarangeya, khamuthwarihalle nnddo Apwiya Mullukwaanyu, yuulamulalleniiwa. Mwathwarihalleke, yeerokeraatthiha omwenaanyu wi mwaalamulelle Aisraele enthawi yoohimalla.

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

Zefaniya 1:6

Alliwaayo yahaareya etulli Apwiya ehinaathwarattho, ehinawaashaasha apaalle waaveka ezeru.

1 Samuele 15:35

Ovenyera vaavo Samuele khaamoonillettho Saulo ophiyera okhwa waye koma aanamwinllellave. Nave Apwiya yaamoriwa ethakaraka vawi yaamweeriha Saulo wi akhalle mwene a Aisraele.

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Ezekiele 45:20

Mweereke emoddamoddave yeeyo va nllapo naneetthanu ni piilli na mweeri wi mumupepeselleke arive muthu oyo achimwalle moohipaalla apaalle moohidduwella. Sika enyumba ya Apwiya muneeroyisunga yaweella.’

Numeri 14:34

Muneerollakiwa wa miyakha 40 ekaamba ya machimwaanyu. Orive muyakha oniimellelleke nllapo nimodda na mallapo ayo mwazondilleenyu ellapo. Muneerodduwella woopiha wiwa kuushellani murima.’

Ezekiele 33:12

“Vano we mwaana a muthu waalleelle athwaawo wi muthu oolungama achimwa, echilungamwaaye khemuvullusa. Oonanara ahiya ochimwa khallakiwa. Nave oolungama achimwa khawora okhalla ni okumi ekaamba ya mitteko ddaye ddoolungama.