Yeremiya 17:8 - Mawu a Mulluku

⁸ Ari wonanko muteekho wawaalliwa mukhwipi mwa muhinje, woorapa misisi ddiwa museresere mwa maaddi. Khonoova enthawi yooviha ekaamba yawi makukhwiiwa khenanyaalla. Va enthawi yoorama murimu khonakhupanya, khonahiya wimma ezipaso.”

Yeremiya 17:8 ပူးပေါင်းရင်းမြစ်များ

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Yesaya 58:11

Mi Apwiya kineerewuuhoollellani enthawi ddittheddene ni wuuvonihani ddaphaama navettho kineerollipiha miilli ddanyu. Munaakhalle wonanko emata yoohellelliwa phaama wonanko neetuutu oohiwelleella.

Ezekiele 47:12

Vakhwipi va muhinjooyo vaakhalla miteekho dda orive mutundu ddawimma ezipaso. Makatthiiwa khewa enyaalla nave ezipaso ddiwa khadduukunuwa. Ddineerewimma orive mweeri kaambiiwa maaddiiwa tti oovenyera o enyumba ya Apwiya. Athu eneerekoddicha nave makatthiiwa eneerekopharihiwa mutteko wonanko murete.’ ”

Yobu 8:16

Annunnuwa phaama vanndduwani, enthambi ddaye ddinnarapa m'matani mwaye.

Yobu 29:19

Misisi ddaka ddoophiya m'maaddini, nikame nineerewimma va enthambaaka mahiiyu mattheene.

Miyambo 11:28

Oororomella eyuumaaye aneeromora koma athu oolungama eneerophuwa wonanko makukhu.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yeremiya 39:18

Kineerewuuvullusa nave khawiiphiwa ni ekhoto. Oneerokhalla ni okumaawo wonanko yawaakha okhotoni kaambiiwa wookiroromella. Mi Apwiya koollota.”

Ezekiele 31:3

Munaphwanaphwana ni muteekho wa mukunguza wa o Lebanoni, wa enthambi ddaphaama ddoowiiha muuthuuchi muutthakoni, ddoorekama ddoophiya muddullu.