Yeremiya 17:4 - Mawu a Mulluku

⁴ Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Yeremiya 17:4 ပူးပေါင်းရင်းမြစ်များ

Yeremiya 15:14

Kineerewuutthattusani akaporo a adanaanyu mu ellapo eyo muhinayidduwelleenyu vawi owallaaka wookhara nave oneerewuushellellihani.”

Maliro 5:2

Yoohallanaahu yoovelleelliwa wa alleto, enyumba ddahu ddiri m'mattani mwa athu oovira.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Yeremiya 16:13

Sika kineerowiikarihani mwiillaponimmu ni wuuvollochihani mu ellapo eyo nyuwaano ni makhollwaanyu muhinayidduwelleenyu. Wenko muneerorumeyella milluku ddimodda otthaana ni mahiiyu kaambiiwa ngiweerellanittho echifundo.’ ”

Yesaya 14:3

Apwiya eneerewuuvumihani o ddoowaawa, ddoohoosa ni mitteko ddootopiha nnddo athu yuuphariheewani.

Ezekiele 21:31

Kineerewuunanariwellani nave owallaaka oneerokhara va nyuwaano. Kineerewuuhiyani m'mattani mwa athu eekuku, oodduwella woononga.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Yeremiya 12:7

“Koovenyawo onyumbani waka, koohiya yoohallanaaka, koomuvelleella ookondiwa a vamurimani m'mattani mwa adanaaka.

Yeremiya 5:29

“Koma mi Apwiya kinallota wi, ‘Ethiyo sika ttuulephela waallaka ekaamba ya ddenndda, oohiwuhokollosella ddoonanara mutundu wawi ddiiddoolla?’

Yesaya 66:24

“Nave alliwa eneerokhuma ni woona mitembo dda athu ayo yakiwukilalle vawi mapwihiiwa khewa ekhwa, munllwiiwa khowa othiimihiwa nave eneerekewaananara athu a mitundu ddittheddene.”

Yesaya 30:33

Nipuro nawoosella ddeko tti nookhoziwa khalle nno yamukhozelliiwa mwene a o Asiriya. Nipuronno tti noowallamella ni nuullupalli nooddalla ni ekhuni. Sika mpweya wa Apwiya wookhalla wonanko muhinje wa sulufure, oneerokhariha munllooyo.

Nehemiya 9:28

Yakhalla mwamurendelle, yaanuuchimwellanittho nave mwaanaahiya m'mattani mwa adaniiwa mwawi yaanaalamulella. Komave yarukunuwella ni winllella wa nyuwaano, mwaanawiiwa ovenyera oddullu nave enthawi ddinchichi mwaanawoopolla moollikana ni echifundwaanyu yuullupalli.

2 Mamwene 25:21

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Yeremiya 2:14

“Ethiyo Israele tti oorumeyella? Ethiyo ayariwe wonanko kaporo? Kheddiiddo! Kaambiiwa tini emoonongilliiwa ddiidda?

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Yeremiya 22:28

Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

Yesaya 50:11

Ngoonani, attheene nyu munaviddeella munllo, ni okhariha ekhuni wi moononge, vollowani m'munllonaanyu yooyo, etani variyari va ekhuni mwakharihalleenyu. Muneerokhalla mu ddoohoosa, mi Apwiya sika kinuumorihelleni.

Yeremiya 5:19

Nave athwaawo yaakohaka wi, ‘Kaambiiwa tini Apwiya Mullukwaahu eneerenlliiwa ddenndda?’ We Yeremiya owaakhulleke wi, ‘Moollikana ni mmo mwaahiyereenyu Apwiya ni ollapella milluku ddeelleto mwiillaponi mwanyu, emoddamoddave yeeyo muneerewaallapella athu a mu ellapo yeelleto.’ ”

Ezekiele 7:24

Kineeroruma mitundu dda athu oonanara wunchichi wi yaakhe enyumba ddanyu. Kineeromalliha wiitukhulla wanyu wamasiva nave mapurwaanyu aweella eneeroripihiwa.