Yeremiya 17:26 - Mawu a Mulluku

²⁶ Athu eneerekovenyera o mizinda dda Yuda ni echigawo ettheene yawaapheella Yerusalemu, echigawo ya Benjamini, yamatapo, yamiyaango ni yoomwera, ekusalle mikutho ddooshellelliha, mikutho dda ddoocha, mikhutho ddalubani* ni mikutho ddoothokozella, oyaana o enyumba ya Apwiya.

Yeremiya 17:26 ပူးပေါင်းရင်းမြစ်များ

Zekariya 7:7

Alla tti mawu yallotille Apwiya oweella mwa anamallotella akhalle valle Yerusalemu aatilleeye ni athu nave aariiye va murendelle vamodda ni mizinda ddimodda ddawaapheella o ezigawo dda omwera ni o ntapo.

Yeremiya 33:13

O mizinda dda omiyaangoni, dda omataponi, dda omwera, dda o echigawo ya Benjamini, dda o echigawo yawaapheella Yerusalemu ni o mizinda dda Yuda enkhosa ddineeroyattho vamiitthoni va muthu ooddeerengella. Mi Apwiya koollota.”

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Masalimo 107:22

Evelleelle mikutho ddoothokozella ni ollalleya mitteko dda Apwiya, vawiipani machipo oohakallalla.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Masalimo 116:17

kineerovelleella mukutho woothokoza, kineerovekella vooromollani nnddina nanyu.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Ezara 3:11

Nave yaaniipa moohimaana, mowaatitimiha ni mowaathokoza Apwiya. “Apwiya tti aphaama, echikondiiwa yoohisintha eri va Israele.” Nave athu attheene yaakhuwa wunchichi yaatitimihiiwa Apwiya ekaamba yawi matthipello a enyumba ya Apwiya yaamakiwattho.

Masalimo 66:13

Kineeroowa onyumbani wanyu ni mukutho wooshellelliha, kineereweera nnddo kallupenlleemi wa nyuwaano,

Yeremiya 30:19

Athu eneerewiipa machipo owaatitimiha, vineerewiiweya okhuwa woohakallalla. Kineerowaatiha, khekhallattho aweerengeya, kineerewaavaha eyuuma, khenyaambusiwa.

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.