Yeremiya 17:24 - Mawu a Mulluku

²⁴ Vano Apwiya enallota wi, “Koma nyu mukiiwellelleke mi, muhiye omutukhulla katundu apaalle ovollowana va millako dda muzindoolla va Nllapo Sabata nave munisungeke oohiphara mutteko va nllapo nenno.

Yeremiya 17:24 ပူးပေါင်းရင်းမြစ်များ

Deuteronomo 11:13

“Sika vano mwiiwellelleke malamulo kiwinnyalleemini ollellova wi mwaakondeke Apwiya Mullukwaanyu ni waarumeyella ni okumaanyu muttheene.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Zekariya 6:15

Ddawoona, athu awoorekama eneeroowa wi emake enyumba ya Apwiya. Sika muneerodduwella wi Apwiya Amasiva Mattheene aakiruma wa nyuwaano. Ddenndda ddineereweereya nyuwaano mwaawiiwellellaka mwawaakuva Apwiya Mullukwaanyu.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Yesaya 21:7

Awoona athu eellieelli oowella va akavalo, va abulu ni va ekamira* mulondooyo akhalle miittho.”

Deuteronomo 11:22

“Muchenjere wi mweereke ddittheddene malamulo mattheene kiwinnyalleemini wi mwaakondeke Apwiya Mullukwaanyu, weeta mu ettilla ddiwa ddittheddene ni owummellella alliwa.

Eksodo 20:8

“Osungeke nllapo na Sabata wi nikhalle noopatuleya.

Ezekiele 20:20

Muriiheke mallapwaaka a Sabata wi ekhalle oopatuleya ni echizindikiro variyari va miyaano ni nyuwaano. Sika muneerodduwella wi mi tti Apwiya Mullukwaanyu.’