Yeremiya 17:22 - Mawu a Mulluku

²² Muhimutukhulle arive katundu okhumana mpa mwanyu apaalle ophara orive mutteko va nllapo na Sabata. Koma musungeke nllapo na Sabata wi nikhalle noopatuleya moollikana ni mmo kaalamulelleemi makhollwaanyu.

Yeremiya 17:22 ပူးပေါင်းရင်းမြစ်များ

Ezekiele 20:12

Kahaavaha nllapo na Sabata wi nikhalle echizindikiro variyari va miyaano ni alliwa wi edduwelle wi mi Apwiya kinnapatula.

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Eksodo 23:12

“Ophareke mutteko mallapo matthanu ni nimodda koma va nllapo naneetthanu ni piilli ohiphareke mutteko wi eng'ombe ddawo ddiithuuweke ni abulwaaweene nave wi masiva ehokollweelle mwa akaporwaawo ni alleto.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.

Luka 23:56

Vano yaarowa owaniwa yakhoza makhura a nthuko naphaama wi yazoze mutembooyo. Va nllapo na Sabata yahiithuuwa, ollikana ni malamulo a Mose.

Luka 6:5

Yesu aamallihella ni ollota wi, “Mi Mwaana a Muthu sika kiri mwaneena a nllapo na Sabata.”

Ezekiele 22:8

Woovevulla ddeko ddaka ddoopatuleya nave wooripiha mallapwaaka a Sabata.

Levitiko 23:3

Va mallapo matthanu ni nimodda ophareke mitteko ddawo koma nllapo naneetthanu ni piilli tti nllapo na Sabata, nllapo nawiithuuwa, nllapo na mutthukumano woopatuleya. Tti nllapo na Sabata na Apwiya nave onisungeke orive weko onaakhallekeewe.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Nehemiya 13:15

Enthawi yeeyo kaawoona athu mu Yuda empangaka vinyo nllapo na Sabata. Amodda yaanakusa vinyo, mpesa, namukuyu navettho katundu oohiyanahiyana enaareya abulu oyaana o Yerusalemu va nllapo na Sabata. Vano kahaachenjeza wi ehikulliheke erive ello va nllapo na Sabata.

Yeremiya 17:24

Vano Apwiya enallota wi, “Koma nyu mukiiwellelleke mi, muhiye omutukhulla katundu apaalle ovollowana va millako dda muzindoolla va Nllapo Sabata nave munisungeke oohiphara mutteko va nllapo nenno.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.