Yeremiya 17:21 - Mawu a Mulluku

²¹ Apwiya enallota wi mwapaalla osunga okumaanyu pwathani phaama nllapo na Sabata, muhimutukhulle katundu apaalle ovollowana va millako dda Yerusalemu.

Yeremiya 17:21 ပူးပေါင်းရင်းမြစ်များ

Deuteronomo 11:16

Muchenjere nave muhikuseye murima ni orukunuwella wa milluku ddimodda wi muddillapelleke ni oddirumeyella

Deuteronomo 4:23

Sika muchenjere! Mooneseseke wi muhitiwalle echipangano eyo Apwiya Mullukwaanyu yakeraatthihalliiwa ni nyuwaano nave muhipange nifano noophwanaphwanihella erive ello eyo Apwiya Mullukwaanyu enuulamuleewani.

Deuteronomo 4:15

“Muchenjere! Apwiya yallotilliiwa ni nyuwaano eri m'munlloni va mwaango wa Horebu nyuwaano khemoonille mooneyellwiiwa.

Deuteronomo 4:9

Sika muchenjere! Mooneseseke wi muhitiwalleke ddenndda mu okumaanyu muttheene nave mwaahuddihe ddenndda aniinyu ni edduullu ddanyu.

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Mariko 4:24

Aallotattho wi, “Oyo ari ni maaru iiwesese! Mulluku aneerophariha mutteko mulingo wa nyuwaano woophwanaphwana ni oyo munaphariheenyu mutteko wa athu amodda naarittho aneerewuuvahani moovirellella.

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Yoswa 23:11

Vano muchenjere nave mwaakondeke Apwiya Mullukwaanyu.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Yesaya 56:2

Oodala tti muthu oyo aneera ddenndda, anallipihella oddeera, anasunga nllapo na Sabata oohiiripiha ni wiihiiha ddoonanara.”

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Eksodo 20:8

“Osungeke nllapo na Sabata wi nikhalle noopatuleya.