Yeremiya 17:14 - Mawu a Mulluku

¹⁴ Nyu Apwiya, kichiriheni nave ddawoona kineerochira. Kivulluseni nave ddawoona kineerovulluwa ddawoona. Nyu tti oyo kinamuthokozeemi!

Yeremiya 17:14 ပူးပေါင်းရင်းမြစ်များ

Masalimo 6:2

Apwiya keerelleni echifundo, vawi miyaano tti oofooka Apwiya kichiriheni, vawi makhuvaaka aheengereya.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Masalimo 106:47

Nyu Apwiya Mullukwaahu, nivulluseni, nitthukumaniheni ovenyera variyari va athu a mitundu ddimodda wi nithokoze nnddina nanyu naweella, wi nikotelleke otitimiheya wanyu.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Deuteronomo 10:21

Vawi alliwa sika ntitimiho nanyu, Mullukwaanyu oyo aweerelleni dduullupalli ni ddawoopiha ddittheddenenndda moonilleenyu ni miitthwaanyu.

Masalimo 109:1

Nyu Mulluku, ootitimiheyaaka, muheere ellapo tuu!

Masalimo 6:4

Hokollowani Apwiya, waawoni mukaakihere, kivulluseni ekaamba ya echikondaanyu yoohisintheya

Yeremiya 15:20

Kineerewuutthattusa oollipa wonanko mpanda wamukuwa wa athwaayo. Alliwa eneerollipana ni we koma kheyuupambana vawi kiri ni we wi kiwaakihelle ni wuuvullusa.

Mateyu 14:30

Koma oonilleeye ephevo ya masiva ahoova nave aapwina m'maaddini mulle. Aakhuwa wi, “Apwiya, kivulluseni!”

Yeremiya 31:18

“Koomwiiwa Efuremu inllaka mweethakaraka wi, ‘Nyu moonillaka, ddawoona, noollakiwa wonanko musaanaang'ombe oohihuddihiwa. Munihokollose wi niwore ohokollowa vawi nyu tti Apwiya Mullukwaahu.

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Mateyu 8:25

Oohudderaaye yaamuvenyiha nave ekhuwa wi, “Apwiya, nivulluseni nihanlle vakhuviru okhwa.”

Masalimo 148:14

Apwiya ahaawelliha athwiiwa vawaavahani masiva, ahaariiha athwiiwa attheene oororomelleya, Aisraele ayo enaakondiiwa. Aleluya!

Masalimo 60:5

Ookondiwaanyu yaakiheriwe avulluseni ni nnattanatta nanyu, munaakhulle hiyaano.

Masalimo 12:4

Vallethi athu yaalla enallota wi, “Nineeropambana ekaamba ya nllumi nahu, eyano nookhallana, vano anaanigonjihe ttaani?”

Numeri 12:13

Vano Mose ahaalleella mookhuwa Apwiya wi, “Mulluku kinimuuvekani wi mumuchirihe Miriyamu.”

Masalimo 54:1

Nyu Mulluku, kivulluseni ni nnddina nanyu, onihani ni masivaanyu wi ngilakwille.

Yeremiya 3:23

Khenaaphunrevo ello voollapellani va asimiyaango, vaweerani mutetho omiyaangoni khonna mutteko. Ddawoona, Apwiya Mullukwaahu sika ovullusa wa Aisraele.

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”

Yeremiya 33:6

Koma muhoollo, muzindoolla kineerowuvaha okumi nave athwiiwa kineerewaachiriha ni waavaha ddaphaama ddawaata ni murendelle wawoona.

Masalimo 6:3

Apwiya kinaahoosiwe ophiyera niini?

Masalimo 119:94

Mi tti aanyu, kivulluseni vawi koopwatha malamulwaanyu.