Yeremiya 17:13 - Mawu a Mulluku

¹³ Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Yeremiya 17:13 ပူးပေါင်းရင်းမြစ်များ

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Yesaya 1:28

Koma oowukila ni oochimwa enaawoonongelle nimodda. Athu owaahiya Apwiya eneerotthollosiwa.

Luka 10:20

Nave muhihakallalle kaambiiwa minepa ddoonanara ddinnawiiwellellani koma muhakallalle kaambiiwa manddinaanyu aalembiwa oddullu.”

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

1 Timoteo 1:1

Ovenyera wa miyaano Paulo, murummwa a Khrisitu Yesu moollikana ni olamula wa Mulluku oovullusaahu navettho Khrisitu Yesu, otiyera wahu.

Mitteko 28:20

Ekaamba ya yeella koowiithanani wi killote ni nyuwaano vawi kimakiwalle ni onyoloolla ekaamba ya oyo ari etiyerello ya athu a o Israele.”

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Ezekiele 36:32

Dduwellani wi kineereweera ddenndda woohikhalla ekaamba ya nyuwaano. Mi Apwiya Mulluku koollota. Sika Aisraele attheenenyu wulliwani muru nave morihani ekhove ekaamba ya makhallellwaanyu oonanara.

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”

Yeremiya 17:17

Muhikoopopihe vawi nyu sika muri voothawellavo vaka va nllapo na otulli.

Yeremiya 17:5

Apwiya enallota wi, “Otulli wa oyo anamuroromella muthu, oyo anahameella va muthu wi amukavihere, anakihiya mi Apwiya.

Miyambo 14:14

Muthu oonanara aneerovona ezipaso dda ettillaaye koma aphaama aneerovona ezipaso dda mitteko ddaye.

Miyambo 10:7

Oolungama annadala vawuupuwelliwani koma nnddina na oonanara nineerewunta.

Masalimo 97:7

Attheene oollapella milluku ddawoottha, awiitikhulla ni mafano oohikhalla ni mutteko, ennawullihiwa muru. Nyu milluku ddittheddene, akokhorelleni Apwiya.

Masalimo 22:4

Makhollwaahu yaanuuroromellani nyuwaano, yaanuukhulupililani vawi mwaanaavullusa.

Masalimo 71:5

Nyu Apwiya Mulluku, tti oyo kinamutiyerelleemi, oyo kinamuroromelleemi waambeella enamwanaaka.

Yeremiya 17:18

Koma mwaawullihe muru ookihoosa, ohiri miyaano. Muwoopopihe alliwa, ohiri miyaano. Nllapo na otulli naamorelle nave muwoononge moohihiyerera.

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Yeremiya 50:7

Arive muthu aaphwanyille aawoononga. Nave adaniiwa yaanallota wi, ‘Hi kheninna mullatu ekaamba yawi alliwaalla yahaachimwella Apwiya ayo eri vookhalla viwa vawoona, ayottho makhollwiiwa yaaroromelliiwa.’

Ezekiele 13:9

Kineerewaallaka anamallotella ayo enoona m'masomphenya awoottha ni awoombesa moohollosa. Khekhallana va mutthukumano wa athwaaka. Kheyeerengelliwa nimodda ni Aisraele nave khehokollweella mu ellapo ya Israele. Sika muneerodduwella wi mi tti Apwiya Mulluku.’

Zekariya 9:12

Nyu akaporo eetiyerello, hokollowani, hokollweellani o mpandaanyu woollipa. Kinasimikiza ollello wuuhokollosellani ddaphaama ddinchichi va nnddo mwaakhiweenyu.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Masalimo 69:29

Koma miyaano koohooseya nave kinniiwa ovoreya, nyu Mulluku, kitukhulleni wi kivulluwe.