Yeremiya 17:11 - Mawu a Mulluku

¹¹ Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Yeremiya 17:11 ပူးပေါင်းရင်းမြစ်များ

Miyambo 28:20

Muthu oororomelleya aneerokhalla ni madaliso manchichi koma oothamakella eyuuma aneerollakiwa.

Miyambo 21:6

Eyuuma yoophwanya mu ettilla yoolleka khenallekella omalla wonanko muuthuuchi nave ennamorihella m'musamphani wa okhwa.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Yeremiya 22:13

Ootulli tti muthu oyo anamaka enyumbaaye moohilungama, oomaka ezipinda ddaye moolleka vawaapharihani mutteko athu koma oohaallivella.

Miyambo 28:8

Oyo anaanjerera eyuumaaye voowoonjererani makobiri vaddullu va ekongoli, anamuukellella muthu anaweerella echifundo oohoowa.

Miyambo 15:27

Muthu oowaashaasha opindula moolleka annahoosa nibanja naye koma awiitana ni ddamukaphwani annakhalla ni okumi.

2 Petro 2:14

Enthawi ddittheddene miitthwiiwa enakhalla va weera ddooraruwa nave minkhella ddiwa ddoochimwa khaddinakwakhwanihiwa. Ennaalleka athu oohikeraattheya. Mirima ddiwa ddaahuddihiwa okhalla a nrima. Tti ootembeleliwa ni Mulluku!

Tito 1:11

Tti woopaalleya waamaalliha kaambiiwa ennaapheelliha muru mabanja mattheene voohuddihani ddoohiphwanella. Eneera ddenndda ni yoolinga yoonanara, yoopaalla ophwanya makobiri.

Zefaniya 1:9

Va nllapo nenno kineerewaallaka attheene oollapella wonanko athu eelleto ni ayo enaphwanya eyuuma mwa ekuku ni moolleka wi eddallihe enyumba ya apwiiwa.”

Miyambo 28:22

Muthu anrima annapaalla okhalla ni eyuuma mwawaakuva oohidduwella wi ohoowa oneeromumorella.

Miyambo 13:11

Eyuuma yooyiphwanya mwawaakuva ennamalla mwawaakuva koma yoopata mwa vang'ono vang'ono ennavirellella waata.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

1 Timoteo 6:9

Nave ayo enapaalla okhalla eeyuuma eneereweesiwa nave ennamakiwa m'millapani dda minkhella ddinchichi ddoovoreya ni ddookarangeya. Ddenndda ddinnaweeriha athu ovollowa mu ddoohoosa ni ddawoononga.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Zekariya 5:4

Apwiya Amasiva Mattheene eni, ‘Tembelelo nenno kineeronirumiha mpa mwa mullupaawiiya ni mpa mwa muthu oollupella mwawoottha vooromollani nnddina naka. Nineerokhalla mpammo ophiyera yoonongeyille ettheene, matabwiiwa ni mallukwiiweene.’ ”

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Mika 2:9

Munnaakhumiha mu enyumba ddiwa dda vamurimani awariwa a athwaaka nave aniiwa munnavirellella owaakha madaliswiiwa.

Amosi 3:10

Khenadduwella weera echilungamo, yoodduukellella eyuuma oweella mu waakha ni wiiya.” Mi Apwiya koollota.

Miyambo 28:16

Oolamulella oohiiwesesa annanyingallella mweekuku koma awiitana ni opindula woonanara annarekamiha mallapwaaye.

Miyambo 23:5

Onawehella tini eyo ehiiwo? Vawi eyuuma ennamella muuphello wonanko mpungu onavava muddullu.

Masalimo 49:13

Ddenndda sika ddinaamorella athu ayo eniiroromella mookarangeya, tti omalla wa attheene enathwara maganizo awi ddiidda.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yobu 20:21

Erive ello ariiyena annayicha, sika eyuumaaye khekonella.