Yeremiya 17:10 - Mawu a Mulluku

¹⁰ Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yeremiya 17:10 ပူးပေါင်းရင်းမြစ်များ

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Aroma 8:27

Nave Mulluku oyo anoona m'murimani mwahu, annadduwella maganizo a Munepa kaambiiwa Munepa annaavekella athu a Mulluku moollikana ni opaalla wa Mulluku.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yeremiya 11:20

Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Yawuupullulla 22:12

Yesu anallota wi, “Ngiiwellani! Kinimawa veneva! Kineerowaana ddoothuva ddaka wi kivelleelle wa athu attheene moollikana ni mitteko ddiwa.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Masalimo 62:12

Navettho nyu Apwiya, echikondaanyu tti yoohisintheya, nyuwaano munnamuhokollosella muthu moollikana ni mitteko ddaye.

Miyambo 17:3

Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

2 Epilli 6:30

mwiiwe mavekellwiiwa oddullu munakhalleenyuwo, mwaakhululukelle. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Aroma 6:21

Ethiyo mwaphunrevo tini? Ddeko ddoowulliha muru nnddo dduuhoollellani wuukhwaani. Omallihella wene wa ddeko ddennddo tti okhwa.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

Mika 7:13

Koma ellapo yavatthi eneerotthattuwa echipululu ekaamba ya ddoonanara dda athwiiwa vawi yaayo sika mallivello a mitteko ddiwa.

Mateyu 6:4

wi ekhalle yawiipittheya nave Attiittho awoona ddawiipittheya eneerewuuthuva.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

1 Mamwene 8:39

mwiiwe mavekellwiiwa oddullu munakhalleenyuwo, mwaakhululukelle ni waakavihera. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Masalimo 44:21

ethiyo Mulluku khaaddiphwanye ddenndda? Vallethi annadduwella ddawiipittheya dda m'murimani.

Oollalleya 9:3

Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Yesaya 59:18

Apwiya eneerewaallaka adaniiwa moollikana ni ddaweera ddiwa. Eneerewooniha owalli wa owaawukila nave eneerewaahokollosella ddoonanara adaniiwa vawi eneerewaallaka naari ookhalla mu ellapo ddawoorekama.

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Ezekiele 11:5

Vano Munepoolle aakiphara akilleella wi, “Ollote wi Apwiya enaallota wi, ‘Nyu a munibanjani na Israele, kinnadduwella nnddo ddiri m'murimani mwanyu.

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’

Yobu 34:11

Annamuhokollosella muthu moollikana ni mitteko ddaye, annammorihella muthu moollikana ni meetellwaaye.

Masalimo 7:10

Mulluku sika echishangwaaka, annaavullusa athu oolungama.

Masalimo 44:22

Koma mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.

Miyambo 12:14

Muthu annavona ezipaso ddaphaama dda muwano mwaye, Mitteko dda mattaaye ddineerohokolloselliwa wa olliye.

Yeremiya 23:2

Ekaamba ya yeella Apwiya Mulluku a Israele enallota dda abusa awaawehera athwiiwa wi, “Moopallallesa ni omwara enkhosa ddaka nave khamunaddipwatha phaama. Sika kineerewuullakani ekaamba ya ddoonanara ddanyu.