Yeremiya 17:1 - Mawu a Mulluku

¹ Apwiya enallota wi, “Machimo a Yuda elembiwe ni yoolembella yamukoko, ya etthoka yanlluku na daimondi va mirimani ddiwa ni va makuwiiwa.

Yeremiya 17:1 ပူးပေါင်းရင်းမြစ်များ

Miyambo 3:3

Ohihiye echifundo ni ororomelleya nave oware munikohini mwawo ni oddilemba m'murimani mwawo.

2 Akorinto 3:3

Nyuwaano muri wonanko kalata oolembiwa ni Khrisitu oorumihiwa ni hiyaano. Khalembiwe ni inki apaalle owakiwa vamallukuni koma ni Munepa a Mulluku a Okumi m'mirimani dda athu.

Miyambo 7:3

Omakellelle o eyaalla ddawo nave waalembe m'murimani mwawo.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Hoseya 12:11

Koma athu yallapella mafano o Giliyadi. Mafano yaalla eneerewoonongeya. Yaanavelleella mikutho dda eng'ombe o Giligala. Koma makuwiiwa kineerewaatthattusa malluku awuukelliwa m'matani.

Yesaya 49:16

We Yerusalemu, kohuulemba m'mattani mwaka, esiri ddawo kinnaddoona erive enthawi.

Yeremiya 2:22

Naari omuhapelle soda apaalle sopo munchichi, wummellella wa machimwaawo onnooneyave vamiitthoni vaka. Mi Apwiya Mulluku koollota.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Zekariya 7:12

Yahummiha mirima ddiwa wunchichi wi ehiiwe malamulo ni mawu ayo mi Apwiya Amasiva Mattheene kaahuddihalleemi ni munepaaka oweella mwa anamallotella akhalle. Ekaamba ya yeella mi Apwiya Amasiva Mattheene kahaananariwella wunchichi.

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Hoseya 8:11

“Aefuremu yahoonjera makuwa oovenyihellavo machimo koma makuwaayo yaatthattuwa mapuro oochimwellavo.