Yeremiya 16:7 - Mawu a Mulluku

⁷ Khaavo oyo anaamuvahe yoocha muthu awinlla wi amukhurumuse murima ekaamba ya ookhwaayo. Khamuvaha yoowirya wi amukhurumuse murima naari ookhwaayo eri attiitthinnya apaalle amennya.

Yeremiya 16:7 ပူးပေါင်းရင်းမြစ်များ

Hoseya 9:4

Wenko athu khewa evelleella mikutho dda ddoowirya wa Apwiya. Kheyaahakallallihattho ni mikutho ddiwa. Yoochiiwa enaakhalle wonanko yoocha ya vamalironi. Attheene ayo enaache yoocha yeeyo eneeroripihiwana. Yoocheeyo enaakhalle yoochella ettalla oohikhalla yawi ttuuvelleella wa Apwiya.

Ezekiele 24:17

Wiipullelle koma yamuwariwari, ohinoopa ekutho. Oware enduwiraawo ni esapato ddawo. Ohikhuneelle owiitthoni apaalle ocha yoocha ya anaamukhwelle.”

Deuteronomo 26:14

Ngichillevo naari emodda va yaneekhumi kinlleemi maliro. Ngaapharillevo naari emodda kaariimi ooripihiwa va mallapello. Nave nginavelleellekevo naari emodda wa ookhwa. Nyu Apwiya Mullukwaaka, kaawiiwellellani va ddittheddene mwalamulalleenyu dda yoovelleella yaneekhumi.

Yobu 42:11

Vano asinne attheene ni arokoriye attheene vamodda ni attheene oomudduwella yaawa echana nimodda mpa mwaye. Nave yaamupepesa, emukhurumusa murima ekaamba ya ddoohoosa ddittheddene nnddo Apwiya yamorihelliiwa va olliye. Sika arive muthu mwa alliwaayo aamuvaha makobiri ni emphete yagolide.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Yeremiya 22:10

Muhimwinllelle mwene oyo iiphiwe, muhimwiipelle nchipo namaliro. Koma mumwinllelle oyo opharelliwe wuukaporoni kaambiiwa khawa ahokollowattho, khawa ayoonattho ellapwaaye.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”