Yeremiya 16:6 - Mawu a Mulluku

⁶ Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Yeremiya 16:6 ပူးပေါင်းရင်းမြစ်များ

Deuteronomo 14:1

“Nyu muri athu a Apwiya Mullukwaanyu. Sika vawinllani maliro oohiiremarema apaalle wiichema vayuuchini.

Yeremiya 47:5

A o Gaza eneerochema ekaamba ya ethakaraka, a o Ashikeloni enaakhwe mullakallaka. Nyu oohalla mwa Afilisti, ethiyo muuniichekecheke ekaamba ya winlla ophiyera niini?

Yeremiya 41:5

waaphiya athu khumi ni atthanu oovenyera o Shekemu, o Shilo ni o Samariya. Ereru ddiwa yaachema, ddoowara ddiwa ddaari ddawaahuwa nave miilli ddiwa ddaari ddooremeyaremeya. Yakusalle mikutho dda ddoocha ni lubani* wi yavelleelle o enyumba ya Apwiya.

Levitiko 19:28

Muhiichekeke vamwiillini vanyu ekaamba ya muthu ookhwa apaalle opopha orive mutundu wa ehungu. Mi tti Apwiya.

Yeremiya 48:37

Muru wa arive muthu woochemiwa mpala, ereru ddiwattho ddoochemiwa, matta mattheene tti oochekeyachekeya nave muyuununi mwiwa ewanre eziguduli.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yawuupullulla 6:15

Nave mamwene a va ellapo yavatthi, oolamulella ni attekweene a akhoto, eeyuuma, amasiva, akaporo ni athu ehiri akaporo, yahiipittha m'makhunguni ni vatthi va malluku a m'mwaangoni.

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 13:13

Vano waalleelle wi, mi Apwiya kineerewaawiryiha vinyo athu attheene a mwiillaponimmo ophiyera elezele. Alla tti monga mamwene ookhalla va mpando wa Davide, allupa mukutho, anamallotella ni attheene ookhalla mu Yerusalemu.

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Yesaya 24:2

Arive muthu aneerewoona ddoophwanaphwana, monga athu shisha ni allupa mukutho, akaporo aallopwana ni apwiiwa aallopwana, akaporo aatthiyana ni apwiiwa aatthiyana, ookulla ni ookulliha, oopolleya ni oopolleyiha navettho ookongola ni ookongoliha.

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Amosi 6:11

Ddawoona, Apwiya yalamula enyumba dduullupalli ddineerokumuwa, dding'onong'ono ddineerotthattuwa matepe.

Mateyu 9:23

Vano Yesu aavollowa mpa mwa muttekweenoolle. Aaphwanyille awiipa machipo a maliro ni athu attheene awinlla,

2 Epilli 36:17

Sika ekaambiiwa Apwiya yamweerihalliiwa mwene a Ababiloni wi aahelle ekhoto ayo yawiiphalle asombwiiwa ni anamwalliiwa ni masupada naari mu enyumbiiwa. Kheyaamweerellettho echifundo arive muthu, muullupalli apaalle mung'onong'ono koma yahaavelleella attheene wa mwene a o Babiloni.

Levitiko 19:27

Muhiphaddereke mphattamaaru apaalle mukhwipi mwa ereru ddanyu.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.