Yeremiya 16:5 - Mawu a Mulluku

⁵ Apwiya enallota wi, “Ohivollowe mu enyumba ya maliro. Ohivollowemo wi winlle apaalle waakhurumusa murima athu vawi koowaakha murendellaaka, echikondaaka yoohisintheya ni echifundwaaka.

Yeremiya 16:5 ပူးပေါင်းရင်းမြစ်များ

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Deuteronomo 31:17

Ddeereya ddennddo, kineerewaashella murima wunchichi, kineerewaahiya nave eneerewoonongeya. Ddoohoosa ddawoopiha ddinchichi ddineerewaamorella. Nave nllapo nenno eneerodduwella wi ddenndda ddohaamorella ekaamba yawi miyaano, Mullukwiiwa, ngirittho ni alliwa.

Yawuupullulla 6:4

Kavalo aneepiilli aakhumellella nave aari oofiira. Oomuwellooyo aavahiwa olamulello woovenyihavo murendelle muttheene va ellapo yavatthi wi athu yiiphaneke. Aavahiwattho nsupada nuullupalli.

Zekariya 8:10

Vawi ehinaphiye enthawi yeeyo khevaari ollivella wa muthu apaalle enama. Khevaari muthu aweeta mwamurendelle ekaamba ya adani vawi athu attheene kaawoopaniha miru mmodda ni mukhwaaye.

Masalimo 25:6

Nyu Apwiya, upuwellani echifundwaanyu ni echikondaanyu yoohisintheya eyo moonihalleenyu waambeella khalle.

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Yeremiya 13:14

Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

Yeremiya 16:13

Sika kineerowiikarihani mwiillaponimmu ni wuuvollochihani mu ellapo eyo nyuwaano ni makhollwaanyu muhinayidduwelleenyu. Wenko muneerorumeyella milluku ddimodda otthaana ni mahiiyu kaambiiwa ngiweerellanittho echifundo.’ ”

Maliro 3:17

M'murimani mwaka khamurittho murendelle, ohakallalla kaawutiwalla khallekhalle.