Yeremiya 16:21 - Mawu a Mulluku

²¹ Apwiya enallota wi, “Ekaamba ya yeella kineerewaahuddiha omoddave wenngu wi edduwelle masivaaka oopambana. Nave eneerodduwella wi nnddina naka tti Apwiya.”

Yeremiya 16:21 ပူးပေါင်းရင်းမြစ်များ

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Yeremiya 33:2

“Apwiya ayo yaphatusalle ellapo yavatthi, eyoopa ni oyikeraatthiha, ayo nnddina niwa tti Apwiya eni,

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Amosi 5:8

Ngamooneni oyo aphatusalle etheneeri dda Muhomekiwiiphe ni Ompoto khamuyaawo atthattusalle epiphi okhalla owala ni otthaana okhalla mahiiyu, anawiithana maaddi a mu enyanja ni owiithella mu ellapo yavatthi, nnddina naye tti Apwiya.

Yesaya 43:3

Mi tti Apwiya Mullukwaawo, Aweella a Israele, Oovullusaawo. Kinamvelleella Iguputo voowoopollani weyaano, kinamvelleella Kushi ni Seba munipuroni mwa weyaano.

Eksodo 15:3

Apwiya tti mullupa akhoto, Apwiya sika nnddina niwa.”

Ezekiele 25:14

Kineeromullaka Edomu ni nnatta na athwaaka Aisraele. Eneeromweerella moollikana ni mmo osha murima waka ni owallaaka onaapaallelliiwa. Sika aneerewoona ohokollosella ddoonanara waka. Mi Apwiya Mulluku koollota.’ ”

Ezekiele 24:27

Nllapo nenno oneeroworattho ollota, sika oneerollotana oovulluwooyo, khokhallattho muthu oohillota. Vano oneerokhalla echizindikiro wa alliwa nave eneerodduwella wi mi tti Apwiya.”

Ezekiele 24:24

Vano miyaano kineerokhalla echizindikiro wa nyuwaano nave muneereweera wonanko mmo keerelle miyaano. Ddenndda ddeereya muneerodduwella wi alliwa tti Apwiya Mulluku.’ ”

Ezekiele 6:7

Athu eneerewiiphiwa variyari vanyu wawi muneerodduwella wi mi tti Apwiya.’ ”

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 6:3

Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.