Yeremiya 16:19 - Mawu a Mulluku

¹⁹ Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 16:19 ပူးပေါင်းရင်းမြစ်များ

Yesaya 25:4

Nyu tti voothawella va oohoowa, mpanda wa athu oorama va enthawi ya ddoohoosa. Muri wonanko vawiipitthellavo namondwe, wonanko muuthuuchi wawiithuuwellavo nndduwa. Eekuku eri wonanko namondwe awoopa vasirini,

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

Yeremiya 17:17

Muhikoopopihe vawi nyu sika muri voothawellavo vaka va nllapo na otulli.

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.

Yeremiya 10:5

Mafanwaalla tti wonanko yoowoopopihella anakhuku m'matani, khenawora naari ollota. Enaroromella otukhulliwa vawi kheneeta weekhiiwa. Muhiwooveke mafanwaayo vawi khewora oweerellani ddoonanara, khennattho naari masiva ooweerellani ddaphaama.

Yeremiya 2:11

Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

Yesaya 44:10

Ttaani anapanga nifano apaalle mwanamulluku oohikhalla ni mphuro?

Masalimo 86:9

Nyu Apwiya, mitundu ddittheddene dda athu mwaddiphatusalleenyu ddineeroowa wa nyuwaano, ddineerewuukokhorellani, ddineerotitimiha ottekweenaanyu,

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Habakuku 3:19

Apwiya Mulluku sika masivaaka, ennallipiha manyallwaaka wonanko a epaalla, ennakeetiha va mapuro aweellesesa.

Ezekiele 11:16

“Sika alleelle akaporo akhwaawo wi mi Apwiya Mulluku kinallota wi kohaarumiha woorekamellana ni athu a mitundu ddimodda ni waapallallesella o ellapo ddimodda. Vano kinaasungave o ellapo nnddo yapharelliwiiwawo.”

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yeremiya 3:23

Khenaaphunrevo ello voollapellani va asimiyaango, vaweerani mutetho omiyaangoni khonna mutteko. Ddawoona, Apwiya Mullukwaahu sika ovullusa wa Aisraele.

Yesaya 62:2

Mitundu dda athu ddineerowoona olungamihiwe, mamweniiwa mattheene eneerewoona ntitimiho niwa. Eneerewiithaniwa ni nnddina nanaanweene, nno Apwiya mwaneeniiwa enuuvahiiwa.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Masalimo 68:31

Mamwene eneeroowa ovenyera o Iguputo, a o Kushi eneerewaakuva omugonjella Mulluku, voowellihani mattiiwa wa olliye.

Masalimo 62:7

Ovullusiwa ni oriihiwa waka ddiri wa Mulluku, nlluku naka namasiva, woothawella waka.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Masalimo 27:5

Va nllapo na ddookatamiha eneerokivittha, eneerokisunga muwari mwa enyumbiiwa, eneerokiteteza vanllukuni noorekama.

Masalimo 19:14

Mawaaka ni maganizwaaka yaakhullelleye vamiitthoni vanyu, nyu Apwiya, nlluku naka ni oovullusaaka.

Aroma 1:25

Yaatthattusa yawoona ya Mulluku okhalla yawoottha. Enallapella ni orumeyella ddoophatusiwa ni Mulluku munipuroni mwa Mulluku oophatusa oyo anaphwanella otitimihiwa va enthawi yoohimalla! Amen.

1 Mamwene 20:23

Oorumeyella a mwene a o Siriya yaamulleella mweniiwa wi, “Milluku dda Aisraele tti milluku dda m'miyaangoni, sika ekaambiiwa yaariiwa ni masiva oonigonjiha. Koma hankoni nawanena otapo vawi, ddawoona, muneerewaagonjiha.

Yesaya 44:20

Muthooyo anakhalla wonanko anacha ntuura, maganizwaaye ookarangeya ennamuhollosa wawi khaworattho ovullusa okumaaye. Khaworattho wiikoha yeekha wi, “Ethiyo ello eri m'mattani mwakammu khehiyo yawoottha?”

Yesaya 45:14

Apwiya enamulleella Israele wi, “Eyuuma ya o Iguputo ni malonda a o Kushi ddinaakhalle ddaanyu. Athu oorekama a o Saba eneeroowa wa nyuwaano eneerokhalla akaporwaanyu, eneerekewuuthwarani emakiwa ni onyolo. Eneerekokokhora ni ollota wi, ‘Mulluku ari ni nyuwaanove, khaavottho mmodda, Omupatula olliye khaavo mulluku mmodda.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Yeremiya 33:9

Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Masalimo 18:3

Kinnavekella wa Apwiya, ayo eri oophwanella otitimihiwa vawi ennakivullusa wa adanaaka.

Masalimo 65:3

ekaamba ya machimwiiwa. Ddoochimwa ddahu ddanikhwaranya, nyuwaano munnaddikhululukella.

Yeremiya 10:3

Miyambo ya athu a mitundu ddimodda tti ddoohikhalla ni mutteko. Alliwa ennuuha muteekho wuutthakoni, muthu eeruso annawupotokosa ni kasemasema.

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?