Yeremiya 16:18 - Mawu a Mulluku

¹⁸ Kineerewaahokollosella ddoonanara mookhwaranya ekaamba ya onanara wiwa ni machimwiiwa ekaamba yawi aaripiha ellapwaaka ni mafanwiiwa ayo tti wonanko mitembo nave ellapo eyo eri yoohallanaaka yaaddallihamo mafanwiiwa oonanara.”

Yeremiya 16:18 ပူးပေါင်းရင်းမြစ်များ

Yesaya 40:2

“Mullote mwawiithalla ni athu a o Yerusalemu, mwaalleelle wi enthawi ya ddoohoosa ddiwa yoomalla, machimwiiwa aakhululukiwa. Kohaallaka wunchichi ekaamba ya machimwiiwa.”

Yawuupullulla 18:6

Mumuhokolloselle aweerenlleeyeni, mumullivellihe opiilli va ddittheddene enreeye. Mumuwiryihe opiilli kapwaaye a yoowirya yoowalli wonanko yoowirya uuvahilleni olliyooyo.

Ezekiele 11:21

Koma ayo mirima ddiwa ddikeraattheyille mu mafano mattheene oonanara kineerewaallaka ekaamba ya ddittheddene nnddo eneeriiwa. Mi Apwiya Mulluku koollota.”

Yeremiya 17:18

Koma mwaawullihe muru ookihoosa, ohiri miyaano. Muwoopopihe alliwa, ohiri miyaano. Nllapo na otulli naamorelle nave muwoononge moohihiyerera.

Yeremiya 2:7

Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Ezekiele 11:18

Yavollowa mwiillaponimmo eneerovenyihamo mafano mattheene oonanara.

Yeremiya 3:9

Oraruwa wa Israele waari woowulliha muru vawi aaripiha ellapo. Aararuwa voollapellani mafano amalluku ni amiteekho.

Yesaya 61:7

Owulliwa muru ni onyaambusiwa wanyu ddineeromalla, muneerohakallalla ni echigawaanyu. Ellapwaanyu eneerewoonjereriwa, muneerothapella wa enthawi yoohimalla.

Mika 2:10

Timullani, venyanivo, nna khe nipuro nawiithuuwellavo. Machimwaanyu aaripiha nipuronna, aawiiha woonongeya wawoopiha.

Yesaya 24:5

Athu yooripiha ellapo yavatthi voohithwarani malamulo a Mulluku voovevullani mawaaye ni voohiiwellellani echipangano yoohimalla.

Masalimo 106:38

Yaamoriha nikhame noohichimwa, nikhame na aniiwa aallopwana ni aatthiyana ayo yaavelleelliiwa mukutho wa mafano a o Kanani, sika yaaripiha ellapweeyo ni nikhame.

Levitiko 26:30

Kineerowoononga mapurwaanyu oollapellellamo mafano omwaangoni ni okumulla makuwaanyu oothuwiheravo lubani* nave kineerovokhella mitembo ddanyu vaddullu va mafano oohikhalla ni okumi nave kineerewuuhiya ni nyuwaano.

Yesaya 65:6

Ngeera ellapo tuu, mullatwiiwa koowulemba khalle. Ddawoona, kineerewaahokollosella ddoonanara ddiwa.

Yeremiya 7:30

“Apwiya enallota wi, ‘Athu a o Yuda aheera ddoonanara vamiitthoni vaka, ahiimesa mafanwiiwa oonanara mu enyumba ella enadduwanyeya ni nnddina naka nave aayiripiha.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Ezekiele 5:11

“Ddawoona, mi Apwiya Mulluku Ookumi kinimallupella vamiitthoni vaka wi kineerowoonongani vawi mwaaripiha enyumbaaka ni ddeko ddanyu ddinchichi ddoonanara. Vano ngiweerellani echifundo, nguumorellani ethakaraka naari vang'ono.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Yesaya 65:7

Kineerewaallakattho ekaamba ya machimwiiwa ni machimo a makhollwiiwa. Yahoosa lubani va miyaango nave yaakivevulla va asimiyaango ddiwa. Sika miyaano kineerewaallaka moollikana ni nnddo yeerilliiwa.”

Ezekiele 36:18

Kahaashella murima ekaamba ya nikhame na athu nno alliwa yamorihalliiwa mwiillaponimmo nave ekaamba ya mafano ayo alliwa yaripihalliiwana ellapweeyo.