Yeremiya 16:17 - Mawu a Mulluku

¹⁷ Miitthwaaka ennoona makhallellwiiwa mattheene oonanara nave tti oohiipittheeya vamiitthoni vaka. Khaniivo naari nichimo nimodda nno kihinanidduwelleemi.

Yeremiya 16:17 ပူးပေါင်းရင်းမြစ်များ

Miyambo 15:3

Miittho a Apwiya eri virive veko waawehesesa athu oonanara ni aphaama.

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Miyambo 5:21

Vawi ettilla dda muthu ddiri vamiitthoni va Apwiya. Ennoonesesa misewu ddaye.

Masalimo 90:8

Moohiya machimwaahu vamiitthoni vanyu, ddoonanara ddahu ddoovittheya mooddoonihella vaweella.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Yesaya 29:15

Otulli wa athu ayo eniipitthiha maganizwiiwa vamiitthoni va Apwiya, ayo eneera mitteko ddiwa mwiipiphini ni ollota wi, “Ttaani ananoona ni odduwella nineereehu?”

Masalimo 139:3

Munnakiwehesesa kaaweetaka, kaakonaka, munnadduwella ettilla ddaka ddittheddene.

Ezekiele 8:12

Vano Apwiya yaakikoha wi, “We mwaana a muthu, ethiyo onnoona nndda eneera attekweene a Aisraele mwiipiphinimmu? Arive muthu anallapella nifano na Asherimu. Anallota wi, ‘Apwiya khenanoona! Apwiya aayihiya ellapweella!’ ”

Masalimo 51:9

Muhinaweha machimwaaka, muvuhellelle ddoonanara ddaka.

Masalimo 109:15

Apwiya ehikhululuke machimwiiwa wa enthawi yoohimalla, Koma athwaayo etiwalleye va ellapo yavatthi.

Yeremiya 2:22

Naari omuhapelle soda apaalle sopo munchichi, wummellella wa machimwaawo onnooneyave vamiitthoni vaka. Mi Apwiya Mulluku koollota.

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”

Zefaniya 1:12

Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Yobu 10:14

Munnakiwehesesa kaachimwaka, khamunapaalla okikhululukella machimwaaka.

Yobu 31:4

Ethiyo Mulluku khanoona ettilla ddaka ni othwara manyallwaaka mattheene?

Masalimo 33:15

Ayo enapanga mirima dda athu attheene, tti yaayo enoona mitteko ddiwa ddittheddene.

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Yeremiya 7:11

Ethiyo munaganiza wi enyumba eyo enadduwanyeya ni nnddina naka tti nipuro nawiipitthamo allupaawiiya? Mwaneenaaka kohoona nnddo muneereenyu. Mi Apwiya koollota.