Yeremiya 16:16 - Mawu a Mulluku

¹⁶ Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Yeremiya 16:16 ပူးပေါင်းရင်းမြစ်များ

Amosi 4:2

Apwiya Mulluku ni weella wiwa, aallupella wi, mallapo enimawa mvo enaawumeddiiwani wonanko ehomba eneerewuukolani nyu attheene ni embeza.

Mika 7:2

Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

1 Samuele 26:20

Sika nyuwaano muhinaakhullella wi miyaano kikhwelle wuuteete ni Apwiya vawi mwene a Aisraele anapaalla okiipha mi ettotthomwa, muthu oohipaalleya, wonanko mmo athu enasayelliiwa ekhwalli m'mwaangoni.”

Genesis 10:9

Mookaviheriwa ni Apwiya olliyoolla aari oosaya. Ella sika ekaambiiwa athu ennallota mwambi wawi, “Mookaviheriwa ni Apwiya, weyaano ori oosaya wonanko Nimurodi.”

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Amosi 5:19

Onaakhalle wonanko muthu anathawa mukango nave akumana ni echimbalangondo apaalle wonanko muthu avollowille mpa ahameella esiri ni nnatta naye nave allumiwa enowa.

1 Samuele 24:11

Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.

Yesaya 2:21

Eneerothawella m'makhunguni ni m'mittharini voothawani owalli wa Apwiya ni masiva a omweniiwa mvo Apwiyaayo enaaphiyiiwa wi yoopopihe ellapo yavatthi.

Yesaya 7:19

Attheenaayo eneerophiya ni okeraattheya o mapuro mattheene a matapo oowallamella, mitthari dda m'mallukuni, mu makukhu a miiwa ni mapuro oochihellawo enama.

Yeremiya 4:29

Arive muthu aneerothawa vawiiwani onyakulla wa akhoto oowella va akavalo ni oovokha mipaamba. Amodda eneerothawella muutthakoni, amodda ewella m'mallukuni. Mizinda ddittheddene ddineerohiyiwa, khamukhalla naari mmodda.

Yeremiya 6:9

Apwiya Amasiva Mattheene yaallota ni miyaano wi, “Wuurulle ni owaakha ddittheddene athu oohalla a Israele wonanko mmo athu eneerelliiwa voovullullani mpesa o enthambi ddiwa.”

Yeremiya 49:5

Apwiya Mulluku Amasiva Mattheene enallota wi, ‘Chenjerani vawi muneerewoona ddawoopiha ovenyera wa attheene oowaapheellani. Eneerowiikarihani attheenenyu oohikhallavo naari mmodda awuutthukumanihanittho oothawanyu.

Maliro 4:18

Athu yaananithwara manyallo, khenaaworattho weeta m'misewuni ddahu. Mallapwaahu yaanayeva, okhwa wahu wahaatamella, omalla wahu waaphiya.

Hoseya 10:10

Kineeroowa wi killipane ni athu eekukwaalla wi kaallake. Athu a mitundu ddimodda eneerotthukumana wi ewanena ekhoto ekaamba ya machimwiiwa manchichi.

Zefaniya 1:12

Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Maliro 4:19

Athu oonithwara manyallo yaari awaakuva, okhwaranya mipungu ddoovava muddullu. Yaaniikariha omiyaangoni, yaanniipitthella muchipululuni wi enisikite.