Yeremiya 16:13 - Mawu a Mulluku

¹³ Sika kineerowiikarihani mwiillaponimmu ni wuuvollochihani mu ellapo eyo nyuwaano ni makhollwaanyu muhinayidduwelleenyu. Wenko muneerorumeyella milluku ddimodda otthaana ni mahiiyu kaambiiwa ngiweerellanittho echifundo.’ ”

Yeremiya 16:13 ပူးပေါင်းရင်းမြစ်များ

Deuteronomo 28:36

“Apwiya eneeromwiikarihella o ellapo yeelleto mwenaanyu ni nyuwaano attheene nko muhinakhallekeenyuwo ovenyera khalle, nyuwaano ni makhollwaanyu. Wenko muneerekorumeyella milluku ddimodda, ddamiteekho ni ddamalluku.

Yeremiya 15:14

Kineerewuutthattusani akaporo a adanaanyu mu ellapo eyo muhinayidduwelleenyu vawi owallaaka wookhara nave oneerewuushellellihani.”

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

2 Epilli 7:20

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeroyitthattusa yoottheyiha ni yoonyemulliwa variyari va athu attheene.

Yeremiya 22:28

Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

Yeremiya 15:4

Kineerewaatthattusa ello yawoopiha wa athu a moomwene mattheene a va ellapo yavatthi ekaamba ya nnddo Manase mwaana a Hezekiya, mwene a o Yuda, eerilleeye o Yerusalemu.”

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yeremiya 5:19

Nave athwaawo yaakohaka wi, ‘Kaambiiwa tini Apwiya Mullukwaahu eneerenlliiwa ddenndda?’ We Yeremiya owaakhulleke wi, ‘Moollikana ni mmo mwaahiyereenyu Apwiya ni ollapella milluku ddeelleto mwiillaponi mwanyu, emoddamoddave yeeyo muneerewaallapella athu a mu ellapo yeelleto.’ ”

Masalimo 81:12

Sika kahaahiya ni mirima ddiwa ddawuumannddo wi ethwareke nnddo yapaalliiwa.

Deuteronomo 29:28

Apwiya yaasha murima wunchichi, yaananariwa nave moosha murima mwemmo yaahaavenyihamo mwiillaponi mwiwa ni waavokhella mwiillaponi yeelleto, nko eriiwawo ollello.’

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 22:26

We vamodda ni amaayo awuuyara kineerowiikarellani wuukaporoni, o ellapo eyo eellinyu mwahiyariwelleenyuwo koma munaakhwelle wenko.

2 Mamwene 25:21

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

Yeremiya 10:18

Apwiya enallota wi, “Vano kineerewaavenyihamo athu attheene mwiillaponimmu. Kineerewuunyenyani ophiyera naari mmodda a nyuwaano khakhallavo oovulluwa.”

Yeremiya 16:5

Apwiya enallota wi, “Ohivollowe mu enyumba ya maliro. Ohivollowemo wi winlle apaalle waakhurumusa murima athu vawi koowaakha murendellaaka, echikondaaka yoohisintheya ni echifundwaaka.