Yeremiya 15:7 - Mawu a Mulluku

⁷ Kahaapallallesella nngu ni nngu, wonanko mmo eneerelliiwa vooveethani ni etthello. Kaawoononga athwaaka ni aniiwa kaambiiwa kheyaapanlle ohiya ddoonanara ddiwa.

Yeremiya 15:7 ပူးပေါင်းရင်းမြစ်များ

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Yeremiya 51:2

Kineerewaarumiha alleto o Babiloni wi emuveethe ni oshellellaatu ddittheddene ddookhalla mu ellapwaaye. Alliwa eneeromuwukila ovenyera o embali ddittheddene va nllapo nawoopihanno.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yesaya 41:16

Oneerewaaveettha ni waavaviha ni ephevo, eneeromwareya ni namondwe. Koma weyaano oneerohakallalla ekaamba yawi miyaano tti Mullukwaawo. Oneerophwanya ntitimiho ekaamba ya miyaano Aweella a Israele.

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

Yeremiya 18:21

Koma vano allakeni aniiwa ni ettalla ni ekhoto. Awariwa ekhalle anaamukhwelle, ehikhallena anamwani. Amamuniwa ekhwe ni mullilli nave asombwiiwa ekhwe ni nsupada okhotoni.

Masalimo 1:4

Koma athu oonanara kheri ddiiddo, tti wonanko mallulla oovava shisha.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Ezekiele 24:25

Vatulli viwa Apwiya yaakilleella wi, “We mwaana a muthu, nllapo nimodda athu yaalla kineerewaakumullella mpanda yakotelliiwa oreera wiwa, oyo waaya m'mwiitthoni yaawoonaka nave yawuhiyiiwa vamurimani. Kineerewaavenyiherattho aniiwa aallopwana ni aatthiyana.

Deuteronomo 28:41

Muneerekewaayara anamwani aallopwana ni aatthiyana koma khekhalla aanyu kaambiiwa eneerekophariwa okaporo.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Yeremiya 9:21

Okhwa woowella m'mawindoni mwahu, woovollowa mu enyumba ddahu dda omwene. Waawiipha aniihu m'misewuni, waahaamalliha asombwaahu m'mathatoni.

Deuteronomo 28:32

Aniinyu aallopwana ni aatthiyana eneerophariwa okaporo ni alleto, nyuwaano moonaka ni miitthwaanyu. Nave nllapo ni nllapo munaakhallelleke oweha ottilla wi apaalle aniinywaayo ttuuhokollowa koma khamuphuravo ello.

Deuteronomo 28:18

“Apwiya eneerotembelela ezipaso dda m'mwiillini mwanyu, ezipaso dda m'matani mwanyu ni asaana a eziweto ddanyu.

Ezekiele 36:12

Kineeroweeriha athwaaka, Aisraele wi yeete va nyuwaano. Alliwa eneerokeraattheyamo nave muneerokhalla yoohallaniiwa. Khamuwa muwaakhattho aniiwa.”

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.