Yeremiya 15:6 - Mawu a Mulluku

⁶ Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 15:6 ပူးပေါင်းရင်းမြစ်များ

Yeremiya 7:24

Koma kheyiiwellenlle naari waapella maaru nave yaavirellella okhalla awumma murima ni oothwara murimiiwa woonanara. Yawehille dda mutulli ohiri ddamuhoollo.

Zefaniya 1:4

Kineerotukhulla nnatta naka wi kaallake athu a mu Yuda ni a mu Yerusalemu. Kineerewoononga ddittheddene ddoohalla dda Baala va nipuro nenna. Khaavo oyo anaawuupuwellettho allupa mukutho a nifanonno.

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Yesaya 1:4

We ootulli, mutundu wa athu oochimwa, athu oollemelliwa ni ddoonanara. Muyariwe ovenyera wa athu aweera ddoonanara, anamwani ookeraattheya mu ddoonanara. Mohaahiya Apwiya, moomuvevulla Aweella a Israele, moomureya etulli.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Ezekiele 25:7

Ekaamba ya yeella kineerewuullakani ni nnatta naka nave kineerewuuhiyani m'mattani mwa athu a mitundu ddimodda wi mukhalle yawaakha. Kineerewuuvenyihani variyari va athu a mitundu ddimodda nave kineerewuutthollosani va ellapo yavatthi. Kineerowoonongani nave muneerodduwella wi mi tti Apwiya.’ ”

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Yeremiya 6:11

Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yeremiya 1:16

Nave kineerowiipa mullatu athwaaka ekaamba ya machimwiiwa vookihiyani mi. Yaavelleella mikutho wa milluku ddimodda nave yaanallapella ddeko ddoopangiwa ni mattiiwa.

Hoseya 4:16

Aisraele tti eetiyamaaru wonanko asaanaang'ombe. Ethiyo Apwiya ttuuwaachiha wonanko asaanaankhosa va munyepu waphaama?

Ezekiele 14:9

“Namallotella allekiwa anallotella, tti miyaano kimullekille. Sika kineeromoononga nave kineeromuvenyiha variyari va athwaaka Aisraele.

Yeremiya 20:9

Kallota wi, “Ngiwa kiwuupuwellattho Apwiya, ngiwa killotellattho mu nnddina niwa.” Apwiya, mawaanyu ennakhara wonanko munllo m'murimani mwaka. Kinneeseesa waasunga muwari koma vatulli viwa kinnaakhumiha, oohivillella.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Yesaya 28:13

Ekaamba ya yeella Apwiya eneerekewuuhuddihani vang'ono vang'ono, lemba nimoddanimodda, muzere mmoddammodda, ehuddiho emoddeemodda wi mukhumuwe vaweeta. Muneerophoreya, muneeromakiwa m'musamphani nave eneerewuukusani wuukaporoni.

Yesaya 31:3

Aiguputo khe milluku koma alliwa tti athu oonanara. Akavalwiiwa khe minepa koma tti enama shisha. Apwiya yattaphurusa nnatta niwa, ookavihera eneerokwakwatuwa nave ookaviheriwa eneeromora nave attheenaayo enaamallelle nimodda.

Yeremiya 6:12

Enyumba ddiwa ni emata ddiwa ni awariweene ddineerovelleelliwa wa amodda. Ddawoona ni nnatta nakanna kineerewaallaka athu ookhalla mwiillaponimmo. Mi Apwiya koollota

Yeremiya 7:16

Apwiya yaallota wi, “We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Ezekiele 35:3

Waalleelle athu a wenko wi nnddo kinallota miyaano Apwiya Mulluku tti ddawi, Nyu athu a o miyaango dda Seiri tti adanaaka, kineerowuukuthani ni nnatta naka, kineerotthattusa ellapwaanyu ntthalla ni echipululu.

Yeremiya 13:14

Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.