Yeremiya 15:4 - Mawu a Mulluku

⁴ Kineerewaatthattusa ello yawoopiha wa athu a moomwene mattheene a va ellapo yavatthi ekaamba ya nnddo Manase mwaana a Hezekiya, mwene a o Yuda, eerilleeye o Yerusalemu.”

Yeremiya 15:4 ပူးပေါင်းရင်းမြစ်များ

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Ezekiele 23:46

Mi Apwiya Mulluku kinallota wi, “Mwiithane mulloko wa athu wi waahoose ni owaakha eyuumiiwa.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

2 Mamwene 21:2

Olliye aheera ddoonanara vamiitthoni va Apwiya voothwarani mitteko ddoonanara dda athu a mitundu ddimodda ayo Apwiya yawiikarilliiwa ehinaphiye Aisraele.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Yeremiya 9:16

Kineerewaapallallesa variyari va mitundu dda athu nnddo alliwa apaalle makhollwiiwa yahiddidduwenlliiwa. Kineerewaathwara ni ekhoto ophiyera kaatthollosille.”

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

2 Mamwene 21:1

Manase aari ni miyakha khumi ni miilli avolloweeye omwene nave aalamulella miyakha 55 o Yerusalemu. Amennya yaari Hepeziba.

2 Epilli 33:1

Manase aari ni miyakha khumi ni miilli avolloweeye omwene nave aalamulella miyakha 55 o Yerusalemu.

2 Epilli 33:2

Olliye aheera ddoonanara vamiitthoni va Apwiya voothwarani mitteko ddoonanara dda athu a mitundu ddimodda ayo Apwiya yawiikarilliiwa ehinaphiye Aisraele.

Ezekiele 18:19

“Mwaamodda ttuukoha wi, ‘Kaambiiwa tini mwaana ahinaallakiweeye ekaamba ya ddoolakwa dda attiitthinnya?’ Mwaanooyo aneerokhalla ni okumi ekaamba yawi anneera ddoolungama nave ddoororomelleya nave anniiwellella phaama malamulwaaka mattheene sika aneerokhalla ni okumi.

2 Mamwene 21:15

Ddinaakhalle ddiiddo vawi aheera ddoonanara vamiitthoni vaka nave yookishiha murima ovenyera nllapo nno makhollwiiwa yakhumalliiwa o Iguputo ophiyera ollello.’ ”