Yeremiya 15:20 - Mawu a Mulluku

²⁰ Kineerewuutthattusa oollipa wonanko mpanda wamukuwa wa athwaayo. Alliwa eneerollipana ni we koma kheyuupambana vawi kiri ni we wi kiwaakihelle ni wuuvullusa.

Yeremiya 15:20 ပူးပေါင်းရင်းမြစ်များ

Ezekiele 3:9

Kineerewuullipiha okhwaranya nirive nlluku nuullupalli wi okhalle oollipa. Ohooveke nave ohikhupanyeke ni maweherwiiwa vawi athwaayo tti oowukila.”

Yeremiya 1:8

Ohiwoove athwaayo vawi kiri ni weyaano wi kuuvulluse. Mi Apwiya koollota.”

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.

Yeremiya 6:27

We Yeremiya, kohuutthoolla wi okhalle aweesa mikoko nave oweese athwaaka wi woone makhallellwiiwa.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Yeremiya 15:15

Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

Yeremiya 38:28

Vano Yeremiya aakhallave mu nthato na alonda ophiyera nllapo nno muzinda wa Yerusalemu wagonjihiwiiwa.

Yeremiya 39:11

Nebukadinezara, mwene a o Babiloni, aarumiha mawu wa Nebuzaradani muullupalli a alonda akhoto oollota dda Yeremiya wi,

Yeremiya 42:11

Muhimoove mwene a o Babiloni oyo munamovaanyu ollello. Muhimoove mwenooyo kaambiiwa miyaano kiri ni nyuwaano wi kuuvulluseni ni owaakiherani m'mattani mwaye.

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Masalimo 37:39

Ovullusiwa wa oolungama onavenyera wa Apwiya. Apwiya sika woothawellawo wiwa va enthawi ya ddookatamiha.

Ezekiele 3:8

Vano kineeroweeriha wi okhalle awumma murima vawaavaanyihani.