Yeremiya 15:2 - Mawu a Mulluku

² Nave Yuukoha wi, ‘Ethiyo niye wuuwi?’ Waalleelle wi mi kinallota wi, ‘Oophwanella okhwa enaaye wuukhwaani, a o nsupada enaaye onsupadani, a o ettalla enaaye ottallani, a o okaporo enaaye wuukaporoni.’

Yeremiya 15:2 ပူးပေါင်းရင်းမြစ်များ

Yeremiya 43:11

Nebukadinezara aneeromoononga Iguputo, aneerorumiha mullilli va athu oophwanella okhwa ni mullilli eneerewiiphiwa ni mullilli, oophwanella ophariwa okaporo enaaye wuukaporoni nave oophwanella wiiphiwa ni nsupada eneerewiiphiwa ni nsupada.

Zekariya 11:9

Sika kaawulleella mulloko wa enkhosoolle wi, “Ngiwa kuuweheranittho. Oyo Oophwanella okhwa akhwe, oophwanella orimeella arimeelle nave oohallanyu muttakhunaneke.”

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”

Ezekiele 5:2

Mallapwaawo awaapheella muzinda yamalla, okuse embali emodda mwa ddiraru ohelle munllo variyari va muzinda. Embali yaneepiilli oyiphaddephadde ni nsupada weetaka mwawaapheella muzinda muttheene. Embali yaneeraru oyimware wiiphevoni nave kineeroyithwara ni nsupada.

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yesaya 24:18

Arive muthu oothawa onyakulla wa ddawoopihannddo aneeromorella mullitini nave ookhuma munllitinimmo aneeromakiwa m'musamphani. Oddullu oneerohulleya nave matthipello mattheene a ellapo yavatthi eneerotikheya.

Amosi 5:19

Onaakhalle wonanko muthu anathawa mukango nave akumana ni echimbalangondo apaalle wonanko muthu avollowille mpa ahameella esiri ni nnatta naye nave allumiwa enowa.

Daniele 9:12

Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Yeremiya 14:16

Athu ayo yaallotenlliiwa eneerovokhelliwa m'misewuni dda mu Yerusalemu, ekhwille ni ekhoto apaalle ni ettalla. Alliwaayo, awariwa, aniiwa aallopwana ni aatthiyana, attheene eneerokhwa nave khavikhalla awaavittha. Kineerewaahokollosella ddoonanara.”

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Ezekiele 12:11

Waalleelle wi weyaano tti echizindikiro yowaachenjeza. Nnddo ddinaweereyella weyaano ddineeroweereyellattho alliwa. Eneeromakiwa ni opharelliwa wuukaporoni.

Ezekiele 33:27

Waalleelle wi mi Apwiya Mulluku kinallota wi, kinimallupella vamiitthoni vaka wi athu ayo yahanlle m'matepeni a mizinda eneerewiiphiwa ni nsupada. Ayo yahanlle m'mizi kineerewaavelleella o enama ddamuhakani wi ddaattakhune. Ayo yiipitthalle m'mwaangoni ni m'makhunguni eneerokhwa ni millilli.

Yesaya 10:4

Khayiivo enaahalle koma ophariwa variyari va athu oophariwa apaalle okhwa variyari va athu awiiphiwa. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.