Yeremiya 15:17 - Mawu a Mulluku

¹⁷ Ngaakhanlle m'mutthukumano wa athu oovudduwa naari ohakallallana alliwa. Koma kahanlle meekha ekaamba yawi nnatta nanyu niri va miyaano nave mwaaddalliha owalli murimaaka.

Yeremiya 15:17 ပူးပေါင်းရင်းမြစ်များ

Maliro 3:28

Muthu akeraatthi vatthi moomaalleya, Apwiya yaamureyaka nigoli.

Masalimo 1:1

Oodalisiwa tti muthu oyo ahineeta ni athu oonanara, ahiniimella ni athu oochimwa, ahinakeraatthi ni athu oomuvevulla Mulluku.

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yeremiya 6:11

Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Masalimo 102:7

Kinnakonaatthi koma woohikona, kiri wonanko epallame yookhalla weekhiiwa vaddullu va enyumba.

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

Yeremiya 16:8

“Ohivollowe mpa mmo muri machellello wi ochena ni owiryana.”

Yeremiya 1:10

Ovenyera ollello kohuuvaha olamulello va mitundu ddittheddene dda athu ni moomweniiwa a va ellapo yavatthi wi otulle ni okuha, woononge ni okumulla, omake ni waalla.”

Zekariya 1:12

Vano mungelo a Apwiya aakoha wi, “Nyu Apwiya Amasiva Mattheene, ethiyo Yerusalemu vamodda ni mizinda ddittheddene dda o Yuda nnddo mwaddinanariwelleenyu wa miyakha makhumi matthanu ni meelli, munaaddummelle murima ophiyera niini?”